Áskrift að fréttum

3. febrúar 2012 01:52

Ytra mat

Í desember sl. barst Stykkishólmsbæ og Grunnskólanum í Stykkishólmi boð frá Menntamálaráðuneytinu og Sambandi ísl. sveitarfélaga um þátttöku í tilraunaverkefni um ytra mat í skólastarfi. Ákveðið var að þiggja boðið og nú er komið að því. (sjá nánar í "Meira...")

Meira...

20. janúar 2012 01:34

Niðurstöður úr sjálfsmatskönnunum

Liður í sjálfsmati Grunnskólans í Stykkishólmi er að leggja spurningakannanir fyrir þá aðila sem standa næst skólanum, þ.e. nemendur, foreldra og starfsfólk. Í desember voru kannanir lagðar fyrir foreldra og starfsfólk og má sjá niðurstöður þeirra hér. Þessar spurningar eru úr kannanaflokknum „Almennt um skólann“ og eru þær unnar upp úr „Skólamati-Outcome“ sem er kannanakerfi fyrir mat á skólastarfi. Sömu kannanir voru lagðar fyrir vorið 2010 svo nú er hægt að gera samanburðarmat. Í heildina erum við ánægð með niðurstöðurnar. Breytingar eru í langflestum tilvikum jákvæðar (dregið fram með rauðu letri í foreldrakönnun) og virðist viðhorf foreldra til skólastarfsins vera gott. Við erum afskaplega ánægð með það og þökkum fyrir þá hvatningu sem það gefur okkur. En alltaf má bæta og þurfum við að huga sérstaklega að ákveðnum þáttum. Farið var yfir niðurstöðurnar með starfsfólki grunnskólans sl. miðvikudag og tekur nú við vinna við að móta áhersluatriði og markmið.

Niðurstöður kannananna má sjá hér

Meira...

20. janúar 2012 01:22

Bóndadagur hjá 3. bekk

Stelpurnar í 3. héldu upp á bóndadaginn með bekkjarbræðrum sínum. Uppákoman kom strákunum skemmtilega á óvart en þeir voru mjög ánægðir með framtak stelpnanna.

Í myndasafninu má sjá myndir frá 3. bekk.

Meira...

19. janúar 2012 08:22

Matarþema í dönsku

Nemendur 9. og 10. bekkjar eru nú á bólakafi í matarþema í dönsku. Eitt af verkefnum þeirra var að koma með matvöru og kynna á dönsku. Högna Ósk í 10. bekk var svo frumleg að koma með heimagert sushi og allt tilheyrandi til að leyfa kennara sínum og samnemendum að smakka.

Meira...

5. janúar 2012 10:40

Myndir úr skógarferð

Nokkrar myndir voru teknar í velheppnaðri skógarferð í morgun.

Myndirnar má sjá hér: MYNDASAFN

Meira...

14. desember 2011 10:58

Kirkjuferðin

Nemendur í 1.-6. bekk fóru í kirkjuferð í gær ásamt nemendum leikskólans. Var stundin falleg og jólaleg, séra Gunnar ræddi um aðventuna og jólin, nemendur léku á hljóðfæri og hápunkturinn var svo helgileikur sem 3. bekkur sá um. Þeim fórst það afskaplega vel af hendi, sungu hátt og léku vel. Að lokum sungu allir saman „Heims um ból“ við undirleik Lazlo á nýja orgelið sem hljómaði aldeilis vel.