Söfn í Stykkishólmi

Söfn í Stykkishólmi

Stykkishólmsbær rekur Amtsbókasafnið í Stykkishólmi og Ljósmyndasafn Stykkishólms. Norska húsið - Byggðasafn Snæfellinga og Hnappdæla er staðsett í Stykkishólmi og rekið af Héraðsnefnd Snæfellinga. Vatnasafnið - Library of Water er rekið í samstarfi við Breska listafyrirtækið Artangel.  Eldfjallasafnið er rekið í samstarfi við Harald Sigurðsson eldfjallafræðing. 

Amtsbókasafnið í Stykkishólmi

Amtsbókasafnið
Borgarbraut 6a
Sími: 433 8160
Fax: 438 1081 
Netfang: amtsty@stykkisholmur.is

Opnunartími Amtsbókasafnsins:

Mánudagar

14:00-18:00

Þriðjudagar

14:00-17:00

Miðvikudagar

14:00-17:00

Fimmtudagar

14:00-17:00

Föstudagar

Lokað

 

Starfsemi og þjónusta
Útlán bóka og annarra gagna. Upplýsingaþjónusta og millisafnalán. Aðgangur að Interneti og ritvinnslu fyrir almenning. 
 

Aðild að bókasafni

Aðild að bókasafni er gefin út á einstakling og er óheimilt að nota kennitölu annarra. Aðild er frí fyrir eldri borgara og öryrkja og fyrir börn að 18 ára aldri. Einungis er greitt eitt gjald fyrir hvert heimili en mælst er til þess að fullorðnir einstaklingar fái lánað á sína eigin kennitölu. Börn geta fengið aðild um leið og þau eru komin með kennitölu. Með barnaaðild er einungis hægt að fá að láni barnabækur. Allir grunnskólanemar fá aðild sér að kostnaðarlausu og reiknast ekki sektir á útlán þeirra.

Útlán og skil

Bækur og hljóðbækur eru að jafnaði lánaðar út í 30 daga nema annað standi á safnefninu. Tímarit eru lánuð í 14 daga. Endurnýja má lán á safnefni einu sinni, á safninu, á leitir.is eða með símtali á bókasafnið. Fullorðnir mega hafa 20 bækur, tímarit eða mynddiska að láni í einu. Börn mega hafa 10 bækur, tímarit eða mynddiska að láni í einu. Dagsektir reiknast á efni sem komið er fram yfir skiladag samkvæmt gjaldskrá.

Meðferð á safnefni

Það er allra hagur að vel sé farið með safnefnið. Glatist eða skemmist safnefni í vörslu lánþega er það á hans ábyrgð og þarf hann að greiða andvirði þess samkvæmt gjaldskrá. Forráðamenn bera ábyrgð á því efni sem börn fá að láni.

Skráðu netfangið þitt

Áminning um skiladag er að jafnaði send til þeirra sem eru með netfang sitt skráð. Vert er þó að benda á að það er alfarið á ábyrgð lánþegans að gögnum sé skilað á réttum tíma. Ef gögnum safnsins er skilað eftir að útlánstími rennur út eru greiddar dagsektir samkvæmt gjaldskrá.

Lykilorð

Lánþegum gefst kostur á að velja sér lykilorð með aðild sinni. Lykilorðið er notað til að komast á „mínar síður“ á leitir.is og til að skrá sig inn á Rafbókasafnið. Á síðunni leitir.is er hægt að endurnýja safnefni, ef ekki liggur fyrir pöntun á því, skoða útlánasögu og panta efni sem er í útláni.

 

Viðbætur við gjaldskrá:

Hámarkssekt á gagn: 700 krónur

Hámarkssekt á einstakling 7000 krónur

Viðmiðunargjald fyrir glötuð gögn og gögn sem skemmast í meðförum lánþega:

Bækur og hljóðbækur 3.000 kr.

Mynddiskar 2.500 kr.

Tímarit 200 kr.

Ef um ný gögn er að ræða (innan við tveggja ára) gildir innkaupsverð.

Smellið hér til að skoða gjaldskrána í heild sinni.

 

Ljósmyndasafn Stykkishólms

Mynd af sveitarfélagi

Ljósmyndasafn Stykkishólms er í umsjá Amtsbókasafnsins í Stykkishólmi. Grunnurinn að því er myndasafn Jóhanns Rafnssonar, sem hann afhenti Stykkishólmsbæ 16. júní 1996. Aðalhvatamaður að því var þáverandi bæjarstjóri Stykkishólmsbæjar, Ólafur Hilmar Sverrisson. Fyrir afhendingu var stofnuð framkvæmdanefnd um Ljósmyndasafn Jóhanns Rafnssonar, sem starfað hefur síðan samkvæmt ákvæðum gjafabréfs. Það var ósk Jóhanns að safn hans yrði grunnur að stærra safni. Árið 2001 barst safninu veglegur safnauki frá Árna Helgasyni fyrrum stöðvarstjóra Pósts og síma og fréttaritara Morgunblaðsins til langs tíma. Auk þess hafa smærri gjafir borist safninu og eru allir viðaukar vel þegnir. Með hverri viðbót eflist safnið. Safnið er rafrænt.  

 

Norska húsið - Byggðasafn Snæfellinga og Hnappdæla

Mynd af sveitarfélagi
Norska húsið er fyrsta tvílyfta íbúðarhús á Íslandi. Það var byggt úr tilsniðnum viði frá Noregi árið 1832 og er því rúmlega 180 ára gamalt. Í safninu er fastasýning á heimili Árna Ó. Thorlacius (1802–1891) og Önnu Magdalenu Steenback (1807–1894) eins og talið er að það hafi verið á seinni hluta 19. aldar. Í risi er opin safngeymsla með munum frá öllu Snæfellsnesi. Á fyrstu hæð eru breytilegar sýningar í Mjólkurstofu og Eldhúsi sem tengjast listum, menningu og/eða sögu svæðisins og safnbúð í krambúðarstíl.

 

Safnstjóri er Hjördís Pálsdóttir

 

Safnið er opið alla daga sumarið 2016 frá kl. 11-17.

Vetraropnun:

Þriðjudagar     kl. 14-17

Miðvikudagar kl. 14-17

Fimmtudagar  kl. 14-17

Á aðventu er opið alla daga frá 14-18. Utan opnunartíma er hægt að hafa samband í s. 865-4516.

 

Staðsetning:

Hafnargata 5

Sími 433 8114

Netfang: info@norskahusid.is

Fylgist með á Facebook

Norska húsið - norskahusid.is

 

 


Vatnasafn

Mynd af sveitarfélagi

Vatnasafn/Library of water, sem er innsetningarverk bandarísku listakonunnar Roni Horn er staðsett í Stykkishólmi. Þar á hæsta punkti Stykkishólms með útsýni til allra átta hefur gömlu bókasafnsbyggingunni verið breytt í safn vatns, orða og veðurfrásagna. Safnið prýða m.a. 24 glersúlur með vatni úr helstu jöklum landsins.

Vatnasafn er opið eftir samkomulagi og er hægt að panta tíma í gegn um vatnasafn@gmail.com.

Eldfjallasafn

Mynd af sveitarfélagi

Eldfjallasafn Haraldar Sigurðssonar prófessors er mjög fjölbreytt þar sem m.a. er alþjóðasafn af listaverkum, fornum og nýjum, sem sýna eldgos. Einnig munir, forngripir, minjar og steintegundir úr einstöku safni Haraldar sem hefur stundað eldfjallarannsóknir í yfir 40 ár um allan heim. Í Eldfjallasafni eru kynningar eða erindi flutt af Haraldi á íslensku og ensku, um eldgos og áhrif þeirra ásamt fræðslu um jarðfræði sem hentar fólki og nemendum með litla eða enga þekkingu á þessu sviði. 

Eldfjallasafnið er opið daglega frá kl. 11 – 17 á sumrin.
Opnunartími á veturna er þriðjudaga – laugardaga frá kl. 11 – 17, lokað sunnudaga og mánudaga.
Aðgangseyrir er 1000 kr. fyrir 17 ára og eldri.

Einnig er mögulegt að taka á móti hópum utan opnunartíma. Vinsamlegast hafið samband í síma 433 8154 eða í gegnum tölvupóst safn@eldfjallasafn.is