6. júlí 2010

Þjóðbúningadagur Norska hússins

Hinn árlegi búningadagur Norska hússins verður að þessu sinni haldinn laugardaginn 10. júlí og er það í sjötta sinn. Íslenska þjóðbúningnum er þar gert hátt undir höfði. Eigendur þjóðbúninga, konur sem karlar,  eru hvattir til að koma uppáklæddir í Norska húsið milli kl. 14 og 16. Þar mun þeim verða boðið í kaffi í betri stofunum. Eyjólfur Eyjólfsson söngvari  mun syngja við undirleik Ástríðar Öldu Sigurðardóttur.  Útskurðarsýningin Dillidó og Korriró er nú í Norska húsinu og mun listakonan Ingibjörg H. Ágústsdóttir  verða með leiðsögn um sýninguna eftir hádegi á laugardag og sunnudag. Íslenski safnadagurinn er á sunnudaginn og af því tilefni er frítt á sýningar Byggðasafns Snæfellinga og Hnappdæla um helgina.

Verið velkomin í Norska húsið