11. nóvember 2003

Íbúafundur um framtíðarsýn í ferðaþjónustu á Snæfellsnesi

Í tengslum við ákvörðun sveitarfélaganna fimm á Snæfellsnesi um að leita eftir vottun frá umhverfisvottunarsamtökunum Green Globe 21 fer nú fram vinna að stefnumótun um framtíðarsýn í ferðaþjónustu á Snæfellsnesi.

Leitað er til íbúa allra sveitarfélaganna um að taka þátt í þessari vinnu með því að mæta á íbúafundi í sínu sveitarfélagi og tjá sig um hugmyndir sínar og skoðanir um ferðaþjónustu. Ferðaþjónusta snertir flestar greinar atvinnulífsins á Snæfellsnesi á einn eða annan hátt og því er mikilvægt að heyra frá sem flestum úr hópi íbúa. Mætið endilega og látið skoðanir ykkar í ljóst ÁÐUR en stefnumótunin er endanlega unnin, svo hægt sé að taka tillit til þeirra.

Fjallað verður um eftirtalda málaflokka í framtíðarsýn ferðaþjónustu á Snæfellsnesi:

1. Ímynd og sérstöðu Snæfellsness

2. Umhverfismál

3. Gæða- og öryggismál

4. Menntun í ferðaþjónustu

5. Samgöngumál

6. Byggðamál

7. Skipulag ferðamála

8. Rekstrarumhverfi

9. Markaðssetningu Snæfellsness

Leitað er eftir tillögum og hugmyndum um allt það sem snýr að ferðaþjónustu á Snæfellsnesi. Boðið verður upp kaffi á fundunum sem verða sem hér segir:

Fimmtudag 20. nóv.: Kl. 20.30 í Ráðhúsi Stykkishólms. fyrir Stykkishólmsbæ.
Stjórnandi: Arnheiður Hjörleifsdóttir, UMÍS ehf. Environice, Borgarnesi

Miðvikudag 19. nóv.: Vegamótum fyrir Eyja- og Miklaholtshrepp.
Stjórnandi: Ragnhildur Helga Jónsdóttir, UMÍS ehf. Environice, Borgarnesi

Miðvikudag 19. nóv.: Bjarnarhöfn fyrir Helgafellssveit.
Stjórnandi: Arnheiður Hjörleifsdóttir, UMÍS ehf. Environice, Borgarnesi

Fimmtudag 20. nóv.: fyrir Grundarfjarðarbæ.
Stjórnandi: Ragnhildur Helga Jónsdóttir, UMÍS ehf. Environice, Borgarnesi

Fimmtudag 20. nóv.: Félagsheimilinu Klifi í Ólafsvík fyrir Snæfellsbæ.
Stjórnandi: Stefán Gíslason, UMÍS ehf. Environice, Borgarnesi

Allir fundirnir hefjast kl. 20:30.