4. mars 2004

Tónfundir leikskólabarna og 1. bekkjar GSS

1. bekkur með blokkflauturnar sínar.

Hefð er orðin fyrir sameiginlegum tónfundum leikskólabarna og 1. bekkjar Grunnskólans. Einn slíkur var á dögunum er um helmingur 1. bekkjar kom með blokkflauturnar sínar í leikskólann, ásamt Hólmfríði tónlistarkennara sínum og Þórheiði aðstoðarmanni.

Krakkarnir í 1. bekk byrjuðu tónfundinn með því að leika nokkur lög og nokkur börn úr elsta árgangi leikskólans léku síðan og sungu frumsamið lag. Von er á fleiri góðum gestum úr tónlistarskólanum á næstunnim, en þá ætla Martin og Ewa að koma með litlu lúðrasveitina og fleiri hljóðfæraleikara í leikskólann.

Samstarf skólanna þriggja í Stykkishólmi á sviði tónlistar og þess að gera  skólagöngu barna í bænum að samfelldri heild hefur gengið með ágætum og er mikill vilji meðal samstarfsaðilanna til þess að halda því starfi vel á lofti áfram.

Leikskólabörn flytja frumsamið lag.