7. maí 2002

Rennibrautarmaraþon

Mánudaginn 6. maí kl. 8:00 hófust nemendur 9. bekkjar GSS handa við rennibrautarmaraþon í sundlauginni.  Krakkarnir voru búnir að ganga um bæinn og safna áheitum en þau standa í fjáröflun fyrir Danmerkurferð næsta haust.  Renndu þau sér í hálftíma í senn í hópum, frá kl. 8:00 í gærmorgun til kl. 8:00 í morgun eða samtals 24 klst.  Á þessum tíma tókst þeim að renna sér 11.087 ferðir í rennibrautinni sem er 57 metra löng.  Það hafa væntanlega verið þreyttir og ánægðir nemendur sem fóru heim til sín í morgun eftir langan "sólarhring".