24. júní 2002

Viðgerð lokið á vatnslögn.

Nú um liðna helgi var unnið við leit að leka á vatnslögn Stykkishólmsbæjar og fannst hann með hjálp kafara frá Björgunarsveitinni Berserkjum í gærmorgun. 

Í gærkvöldi lögðu svo starfsmenn frá áhaldahúsi ásamt fulltrúum úr björgunarsveitinni í viðgerðarleiðangur, en myndast hafði stórt gat á lögninni þar sem hún liggur í sjó í Vigrafirði og vatnið bunaði þar út.  Við verkið voru m.a. notaðar klippur björgunarsveitarinnar ásamt öðrum verkfærum og sóttist verkið mun betur en áætlað hafi verið.  Um kl. tvö í nótt var svo viðgerð lokið og vatni hleypt á lögnina á ný.