15. október 2002

Íþróttadagur í Stykkishólmi

Í dag var íþróttadagur hjá 5. til 7. bekkjum grunnskólanna á Nesinu og var hann haldinn hér í Stykkishólmi að þessu sinni.

Dagskráin hófst kl. 9:30 í morgun og var krökkunum skipt í þrjá hópa sem fóru í íþróttahúsið og á íþróttavöllinn og reyndu með sér við hinar ýmsu íþróttagreinar.  Að því loknu fór hópurinn í sund og endað var á því að gæða sér á grilluðum pylsum og svaladrykk.  Dagur sem þessi er árviss viðburður hjá skólunum á Snæfellsnesi og fengu þau að þessu sinni glampandi sól og gott veður og voru krakkarnir ánægðir með daginn.