17. desember 2002

Jólastund í Ráðhúsinu.

Laugardaginn 14. desember sl. var jólastund fyrir börn í Ráðhúsinu.  Að henni stóðu Stykkishólmsbær og Amtbókasafnið.  Hefur þessi jólastund verið árlegur viðburður síðustu ár ýmist í Ráðhúsinu eða Norska húsinu og mættu rúmlega 70 manns að þessu sinni.  Birna og Bryndís af bókasafninu lásu upp úr bókum og bækur lágu einnig frammi til skoðunar.  Þá voru sungin jólalög og gengið í kringum jólatréð undir harmonikkuleik Hafsteins Sigurðssonar.  Jólasveinar komu í heimsókn og heilsuðu upp á börnin og færðu þeim smá glaðning úr pokanum sínum.