29. janúar 2003

Snæfell í bikarúrslitin.

Meistaraflokkur Snæfells leikur til úrslita í bikarkeppni KKÍ og Doritos laugardaginn 8. febrúar nk. í Laugardalshöllinni.  Þetta er í annað skiptið sem lið félagsins leikur til úrslita í bikarkeppninni, í fyrra skiptið var það árið 1993 og var þá líka leikið gegn liði Keflavíkur eins og nú.

Í leik sínum gegn Keflvíkingum nú fyrir jólin sýndu strákarnir okkar að þeir hafa fullt að gera í lið gömlu kempanna, þar sem á tímabili leit út fyrir að þeir gömlu fengju duglegan skell.  Það var ekki fyrr en okkar besti maður var búinn að handarbrjóta sig að þeir sigu fram úr okkur á síðustu metrunum.  Nú stendur ekki til að neinn meiði sig, svo við getum búist við hörðum slag og að ekkert verði gefið eftir.  Strákarnir okkar í fínu formi og staðráðnir í að standa sig.  Þá skiptir miklu máli að þeir hafi góðan stuðning áhorfenda.

Farið verður í rútum með Gunnari Hinrikssyni og félögum frá íþróttahúsinu kl. 13:00 daginn sem leikurinn verður.  Fargjaldið er kr. 2.500.  Forsala aðgöngumiða er í íþróttahúsinu, Heimahorninu og á Bensó.  Miðinn kostar 1.000 kr. fyrir 16 ára og eldri, 500 kr. fyrir 5-15 ára og frítt fyrir yngri.

Við skorum á alla stuðningsmenn okkar að flykkjast nú í Höllina laugardaginn 8. febrúar og hvetja strákana.  ÁFRAM SNÆFELL.

Stjórnin.