21. apríl 2003

Fjarnám frá Háskólanum á Akureyri.

Fyrirhugað er að bjóða upp á fjarnám frá Háskólanum á Akureyri í Stykkishólmi frá og með næsta hausti.

Háskólinn á Akureyri hefur auglýst fjarnám og er móttaka umsókna fyrir skólaárið 2003-2004 hafin.  Í boði er eftirfarandi nám:

• Auðlindadeild: fiskeldi, líftækni, sjávarútvegsfræði, umhverfisfræði.

• Kennaradeild: grunnskólabraut, leikskólabraut.

• Rekstrar- og viðskiptadeild: ferðaþjónusta, fjármál, markaðsfræði, stjórnun.

Vakin er athygli á að fyrirkomulag og miðlun fjarnámsins er mismunandi eftir deildum.  Áhugasamir eru hvattir til að leita frekari upplýsinga á kynningarvef Háskólans á Akureyri.

Kynningarfundur verður í Ráðhúsinu í Stykkishólmi þriðjudaginn 22. apríl nk. kl. 18:00 og eru allir sem áhuga hafa hjartanlega velkomnir