15. nóvember 2001

Í ró og næði.

Bryddað hefur verið upp á skemmtilegri  nýjung í sundlauginni sem hefur fallið vel í kramið hjá bæjarbúum og fleirum.

Nú hefur nokkrum sinnum verið boðið upp á kósý kvöld í sundlauginni.  Er þá aldurstakmark 18 ár eftir kl. 20:00 og er opið lengur en vanalega eða til kl. 22:30. 

Engin ljós loga úti nema í lauginni sjálfri en friðarljósum er dreift um sundlaugarsvæðið og skapar það notalega stemningu.  Stundum hafa verið óvæntar uppákomur eins og um daginn þegar kirkjukórinn mætti á svæðið og hóf upp raust sína við mikinn fögnuð laugargesta.  Einnig hefur verið boðið upp á kaffi og konfekt o.fl.  Hafa bæjarbúar tekið þessari tilbreytingu vel í skammdeginu og vonum við að svo verði áfram. Við hér á vef Stykkishólmsbæjar ætlum að fylgjast með hvenær þessi kvöld eru og láta ykkur vita.

Skemmtileg nýjung