12. maí 2003

Göngu- og skokkhópur.

Stykkishólmsbær býður upp á göngu- og skokkhóp með leiðbeinanda í 6 vikur fram að Kvennahlaupi sem fer fram í 14. skipti laugardaginn 21. júní nk. og er körlum jafnt sem konum heimil þátttaka.

Farið er frá Íþróttamiðstöðinni kl. 17:30 mánudaga, þriðjudaga og fimmtudaga frá og með 12. maí og er leiðbeinandi Andrés Már Heiðarsson.  Þátttaka er án endurgjalds og eru bæjarbúar hvattir til að taka skrefið til betra lífs og byrja að stunda reglulega hreyfingu.