24. ágúst 2003

Umferðarskólinn í Stykkishólmi.

Umferðarskólinn var haldinn í Stykkishólmi þann 14. ágúst sl.  þar sem farið var yfir mikilvægustu umferðarreglurnar og börnin frædd um nauðsyn þess að nota þann öryggisbúnað í umferð sem við á. Kennsluna önnuðust þau Alda Baldursdóttir kennari og fyrrverandi lögregluþjónn ásamt lögreglumanni á staðnum.

Bréf voru send til 36 barna og mættu 26 börn í skólann ásamt 19 foreldrum.  Börnin hlustuðu mjög vel og virtust skilja það sem fram fór og tóku virkan þátt í kennslunni.  Sagan um hann Binna bangsa fannst þeim skemmtileg. 

Að lokum fengu þau sérmerktan umferðarskólapoka, blað til að teikna á og lögreglustjörnu en foreldrarnir fengu bækling um börn og umferð.