Hinir árlegu Sólardagar verða haldnir í Fjölbrautaskóla Snæfellinga dagana 11.-12. febrúar. Brotið verður upp hefðbundið skólastarf og nemendur skólans takast á við önnur en kannski ekki síður krefjandi verkefni en skólabókina.
Á fimmtudaginn verður nemendum og kennurum boðið að taka þátt í ýmsum námskeiðum s.s. jóga, skylmingar, dans, söng, félagsvist og prjónakaffi svo fátt eitt sé nefnt auk þess sem nemendur og kennarar etja kappi í spurningakeppni og ræðumennsku. Á föstudaginn má búast við pönnukökubakstri, Gettu Betur – keppni, dans- og söngleikjanámskeiði og hellaskoðun. Í hádeginu verður svo Gólið, sem er undankeppni fyrir söngkeppni framhaldsskólanna. Sigurverarinn fer síðan í aðalkeppnina sem haldin verður með vorinu.
Hápunktur Sólardaga er síðan árshátíð skólans sem haldin verður í Félagsheimilinu Klifi í Snæfellsbæ á föstudagskvöld.
Samhliða öllu þessu verður í gangi söfnun til styrktar barnastarfi Unicef í samvinnu við Rauða krossinn á Snæfellsnesi. Söfnunin felst í því að safna fötum sem íbúar Snæfellsness telja sig ekki lengur þurfa á að halda, selja þau í skólanum í FSN-Portinu og senda svo afganginn til Haiti.
Allir eru velkomnir í FSN-Portið til að versla og/eða gefa föt og styrkja í leiðinni frábært framtak nokkurra nemenda í FSN. Margir nemendur FSN standa nú í ströngu við að skipuleggja herlegheitin og eiga hrós skilið fyrir framtakið.
Fyrir hádegi á fimmtudegi
Haiti-söfnun – í Anddyri skólans og Dimma
Söngleikur - Grundarfjarðarkirkja
Kvikmyndir - Raun
Félagsvist – Stóra sal
Jóga – Býli
Stomp – Byrjar í stóra sal
Prjónakaffi – Hæð
Póker – matsal
Eftir hádegi á fimmtudegi
Pönnukökubakstur - Matsal
Haiti-söfnun – sama stað
Gettu betur, borðspil -
Dans - íþróttasal eða Býli(fer eftir fjölda)
Kvikmyndir - Fiskabúr
Hellaskoðun – Farið verður með rútu
Júdó - íþróttahúsið
Fyrir hádegi á föstudegi
LAN - Raun
Haiti - söfnun – Sama stað
Gettu betur, leikir og spil - Hæð
Dans / Söngleikur – Býli, íþróttasal
Kvikmyndir - Fiskabúr
Stomp – Stóra sal
Hárgreiðsla – Dimma
Söngkeppni – verður í hádeginu til 13:30
Eftir hádegi á föstudegi
Gólið
Rútur fara heim 13:30
* Með fyrirvara um breytingar