Atvinnuráðgjöf Vesturlands
SSV - þróun og ráðgjöf er ráðgjafar og þróunarsvið Samtaka sveitarfélaga á Vesturlandi. Það er í eigu sveitarfélaga á Vesturlandi sem ná frá Hvalfjarðarbotni til Gilsfjarðarbotns.
Hlutverk.
Verkefni felast m.a. í að vera einstaklingum, fyrirtækjum og sveitarstjórnum til aðstoðar á sviði atvinnumála. Verkefni þróunar- og ráðgjafadeildar SSV á sviði aðstoðar við ofangreinda aðila geta verið margvísleg.
- Aðstoð við að greina vandamál
- Leiðbeiningar um hvar er hægt að fá aðstoð, bæði fjárhagslega og tæknilega frá stoðkerfum atvinnulífsins.
- Aðstoð við gerð umsókna til sjóða.
- Aðstoð við gerð rekstrar- og kostnaðaráætlana.
- Aðstoð við markaðsmál
- Upplýsingagjöf, fundir o.fl.
SSV - þróunar- og ráðgjöf, aðstoðar einstaklinga til sjálfshjálpar. Það þýðir að nauðsynlegt er að þeir sem eftir aðstoð leita komi einnig til með að vinna að framgangi hugmynda sinna.
Markmið
Meginmarkmið SSV - þróunar og ráðgjafar, er að taka þátt í að efla atvinnulíf í landshlutanum með beinum og óbeinum hætti.
Rekstrarráðgjöf og hagkvæmnisúttektir.
- Upplýsingaöflun og upplýsingamiðlun.
- Greining á byggða- og atvinnumálum.
- Hafa frumkvæði að atvinnusköpun.
- Aðstoða við fjármögnun. (Lán og styrkir)
- Efla almenna búsetu og búsetuskilyrði á svæðinu.
- Kynningarstarf á svæðinu.
- Námskeiðahald.
Gjaldtaka
Viðmiðunarreglur eru að hvert verkefni fái u.þ.b. tveggja daga vinnu gjaldfría. Fyrir vinnu umfram það er tekið tímagjald. Regla þessi er byggð á samkeppnissjónarmiðum.
Trúnaður.
Eðli málsins samkvæmt heitir SSV skjólstæðingum sínum fullum trúnaði. Hægt er að bera upp trúnaðarmál við atvinnuráðgjafa og treysta því að hugmynd eða mál verði ekki borin á torg.
Verið velkomin
Ef þú hefur áhuga á að nýta þjónustu SSV, þróunar og ráðgjafadeildar, þá endilega hafðu samband og við bókum tíma fyrir þig.
Viðverutímar
Alltaf er hægt að hafa samband við skrifstofu SSV í síma 437-1318 eða beint við Margréti Björk Björnsdóttur atvinnuráðgjafa í síma 864-2955. Auk þess eru ráðgjafar með viðverutíma á Akranesi, Snæfellsbæ, Grundarfirði og Stykkishólmi. Nánari upplýsingar veita skrifstofur sveitarfélaganna á viðkomandi stöðum.
Efling er félag atvinnulífsins í Stykkishólmi og rekur m.a. verkefnið Heilsuefling - spa.is þar má sjá félagaupplýsingar og ýmislegt annað á döfinni í atvinnulífinu í Stykkishólmi. spa.is