Tréblásturshljóðfærin

Blokkflautan telst til tréblásturhljóðfæra.  Hún er oftast fyrsta hljóðfærið sem börn læra á.  Önnur hljóðfæri sem tilheyra tréblástursfjölskyldunni eru: þverflauta, klarinett, óbó, saxofónn og fagott. 

Sum þessara hljóðfæra eru til í ýmsum stærðum og afbrigðum, t.d. er til pínulítil þverflauta sem kallast piccoloflauta og líka er til bassaklarinett sem er talsvert stærra en venjulegt klarinett.

Í skólanum okkar hefur ekki verið kennt á óbó eða fagott, þó breyting geti orðið á því þar sem núverandi tréblásturskennari er óbóleikari. 

Allir blástursnemendur taka þátt í lúðrasveit og öðru samspili eftir því sem færni leyfir.

Gunnar Þorgeirsson kennir nú á tréblásturshljóðfærin.  Auk þess kennir hann byrjendum á blokkflautu.