Viltu efla Stykkishólm (skoðanakönnun)?

Viltu efla Stykkishólm (skoðanakönnun)?

Starfshópur um eflingu atvinnulífs stendur fyrir stuttri skoðanakönnun með það að leiðarljósi að efla samfélag og byggð í Stykkishólmi. Aðeins tekur um 3-4 mínútur að svara könnuninni.

Markmiðið er að kanna hver hugur fólks er með næstu skref í atvinnumálum bæjarins og kalla fram ábendingar Stykkishólmi til framdráttar. Markmið þetta er í samræmi við erindisbréf starfshópsins um að vinna tillögur að eflingu atvinnulífs í Stykkishólmi með því að greina tækifæri sem liggja í svæðisbundnum styrkleikum og leggja til aðgerðir til þess að nýta þau. Nánari upplýsingar um vinnu starfshópsins má finna á heimasíðu Stykkishólmsbæjar.

Betur sjá augu en auga og því leitum við til þín til þess að gera gott samfélag enn betra. 
Könnunin er ætluð öllum íbúum Stykkishólms sem náð hafa 18 ára aldri.

Gangi þér vel og kærar þakkir.

 

SMELLTU HÉR TIL AÐ TAKA ÞÁTT Í SKOÐANAKÖNNUNINNI.

 
Starfshópur um eflingu atvinnulífs í Stykkishólmi
 
Bæjarstjóri lagði fyrst til á 629. fundi bæjarráðs að  skipaður yrði starfshópur með fulltrúum Stykkishólmsbæjar, Byggðastofnunar og atvinnu- og byggðaþróunarsviðs Samtaka sveitarfélaga á Vesturlandi um eflingu atvinnulífs í Stykkishólmi. Í minnisblaði bæjarstjóra er lögð til nálgun á verkefninu sem miðar að því að standa vörð um og treysta byggð í Stykkishólmi með því efla atvinnu og stuðla að nýsköpun í atvinnulífi byggða á svæðisbundnum styrkleikum og fyrirliggjandi innviðum, annars vegar til skamms tíma og hins vegar til lengri tíma. Með verkefninu er stefnt að því að greina mögulegar ráðstafanir og leggja til aðgerðir til öflugrar sóknar og fjölgunar atvinnutækifæra í Stykkishólmi.