Sveitarfélagið Stykkishólmur

Hannesarsteinn verður færður

Mon, 14 Sep 2026 08:17:00 +0000

Framkvæmdir við Stykkishólmsveg hófust í lok apríl þegar slitlag var fræst ofan af veginum frá afleggjara á Búðarnesveg og uppúr bænunum. Vegagerðin stendur fyrir framkvæmdinni sem er langt komin. Framkvæmdirnar ná yfir um 3,4 kílómetra kafla og fela í sér breikkun og styrkingu vegar, nýlögn ræsa og nýlögn á bundnu slitlagi. Gert er ráð fyrir að vegurinn verði 8 metra breiður, með tveimur 3,5 m breiðum akbrautum og 0,5 m breiðum öxlum.

Vaðlaugin lokuð vegna viðhalds - Lengri opnun á sunnudag

Thu, 03 Sep 2026 11:36:00 +0000

Vegna viðhaldsvinnu verður vaðlaugin lokuð frá föstudegi, 4. september, fram í næstu viku. Sunnudaginn 6. september verður opnunartími lengri en vant er á sunnudögum, opið verður til kl. 18:30. Kvennaráð Mostra heldur Vesturlandsmót kvenna þann 6. september í Stykkishólmi. Gert er ráð fyrir um 50 þátttakendum á mótinu en opnunartími er framlengur í samráði við Mostra svo keppendur hafi kost á því að fara í sund að móti loknu.

Starf í íþróttamiðstöð Stykkishólms

Wed, 02 Sep 2026 11:25:00 +0000

Sveitarfélagið Stykkishólmur óskar eftir að ráða konu í starf í Íþróttamiðstöð Stykkishólms. Um er að ræða framtíðarstarf í 100% vaktavinnu, unnið er á morgun, kvöld og helgarvöktum í samræmi við opnunartíma. Æskilegt að umsækjandi geti hafið störf í byrjun desember 2026.

Átak vegna skráninga fasteigna í sveitarfélaginu

Wed, 02 Sep 2026 09:42:00 +0000

Skipulagsfulltrúa hefur, í samstarfi við byggingarfulltrúa, verið falið að skoða nánar skráningarmál eigna í sveitarfélaginu og setja á laggir átak vegna óskráða fasteigna. Unnið verður að yfirferð og samanburði upplýsinga og haft samband við eigendur eftir því sem tilefni er til. Eigendur sem telja að upplýsingar um eignir þeirra séu ekki réttar eru jafnframt hvattir til að kynna sér skráningu eignarinnar og koma leiðréttingum á framfæri eftir því sem við á. Hægt er að hafa samband við skipulagsfulltrúa í síma 433-8100 á opnunartíma Ráðhússins eða með tölvupósti: skipulag@stykkisholmur.is

Starf í Höfðaborg

Tue, 01 Sep 2026 13:25:00 +0000

Sveitarfélagið Stykkishólmur auglýsir laust til umsóknar starf við þrif í Höfðaborg. Starfshlutfall er 25% og um framtíðarstarf er að ræða. Starfsstöðin er í Höfðaborg, Skólastíg 14, í Stykkishólmi. Starfið felst í almennum þrifum í húsnæði Höfðaborgar, að eldhúshluta þess undanskildu, skv. fyrirliggjandi þrifaáætlun. Umsækjendur þurfa hafa reynslu af störfum við ræstingar, búa yfir sjálfstæði í vinnubrögðum og lipurð og færni í mannlegum samskiptum. Launakjör eru samkvæmt kjarasamningi Sambands ísl. sveitarfélaga við viðkomandi stéttarfélag.

Tölum saman um líðan og tengsl

Tue, 01 Sep 2026 11:27:00 +0000

Barnaheill og Geðhjálp taka höndum saman og ferðast um landið í haust. Þar verður fundað með efstu bekkjum grunnskóla um líðan og veruleika ungmenna á hverjum stað. Lögð verður áhersla á samskipti, tengsl og líðan. Fundurinn fer fram á skólatíma og tekur um 2,5 klst. og lýkur með því að nemendum er boðið í pizzaveislu.

Agnes, áföll og valdbeiting - uppelstur Gyðu Ölvisdóttur

Fri, 28 Aug 2026 10:39:00 +0000

Guðrún Gyða Ölvisdóttir verður með upplestur úr nýútkominni bók sinni, Agnes, áföll og valdbeiting, í Norska húsinu föstudaginn 28. ágúst kl. 15:00. Öll hjartanlega velkomin, léttar veitingar í boði.

51. fundur bæjarstjórnar Stykkishólms

Tue, 25 Aug 2026 17:00:00 +0000

51. fundur bæjarstjórnar Stykkishólms fer fram fimmtudaginn 27. ágúst 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Íþróttastarf hefst á ný

Tue, 25 Aug 2026 13:30:00 +0000

Ný tímatafla Snæfells fyrir veturinn 2026-2027 hefur litið dagsins ljós. Vetrarstarf félagsins hefst í dag samhliða skólastarfi. Vetrarstarf Heilsuhraustra Hólmara 60+ hefst svo næstkomandi mánudag, 31. ágúst, eftir sumarfrí. Íbúar, ungir sem aldnir, eru hvattir til að kynna sér það fjölbreytta og umfangsmikla íþróttastarf sem boðið er uppá í Stykkishólmi en þar ættu allir að finna eitthvað við sitt hæfi sem eflir bæði líkama og sál.

Þjóðaratkvæðagreiðsla 2026

Mon, 17 Aug 2026 12:16:00 +0000

Kjörfundur í Sveitarfélaginu Stykkishólmi vegna þjóðaratkvæðagreiðslu verður laugardaginn 29. ágúst 2026 í Grunnskólanum í Stykkishólmi, Borgarbraut 6. Kjörfundur hefst kl. 10:00 og lýkur kl. 18:00. Kjörskrá liggur frammi til kjördags í Ráðhúsi Stykkishólms alla virka daga á opnunartíma. Kjósendur geta einnig séð á heimasíðu Þjóðskrár hvar þeir eru á kjörskrá. Kynningarvefur landskjörstjórnar um þjóðaratkvæðagreiðslu 29. ágúst er www.thjodaratkvaedi.is/

Áminning frá forvarnarteymi Snæfellsness og lögreglunni á Vesturlandi

Fri, 14 Aug 2026 09:21:00 +0000

Hér að neðan er áminning frá forvarnarteymi Snæfellsness og lögreglunni á Vesturlandi varðandi ábyrgð foreldra og hættur sem stafa að eftirlitslausum unglingasamkomum á bæjarhátíðum og öðrum hátíðum. Um helgina eru bæði Danskir dagar í Stykkishólmi og Iceland Eclipse á Hellissandi.

Nýr söngkennari í Stykkishólmi

Wed, 12 Aug 2026 09:26:00 +0000

Tónlistarskóli Stykkishólms vekur athygli á því að Hólmarinn Friðrik S. Kristinsson er fluttur aftur heim og tekur nú við sem söngkennari tónlistarskólans. Friðrik er lærður söngvari, söngkennari og kórstjóri. Lengst af hefur hann stjórnað og starfað hjá Karlakór Reykjavíkur þar sem hann mun eiga starfslok 1. janúar nk. eftir 38 farsæl ár sem söngstjóri kórsins.

Götulýsing slökkt vegna almyrkva

Mon, 10 Aug 2026 14:24:00 +0000

Götulýsing í Stykkishólmi verður slökkt miðvikudaginn 12. ágúst á meðan almyrkvi á sólu stendur yfir. Almyrkvinn verður sýnilegur í Stykkishólmi og stendur yfir í um 1 mínútu og 28 sekúndur frá Hólminum séð. Með því að slökkva á götulýsingunni er leitast við að draga úr birtu í bænum og skapa sem bestar aðstæður fyrir íbúa til að upplifa þennan einstaka náttúruviðburð. Íbúar sem vilja njóta myrkvans í sem mestu myrkri eru jafnframt hvattir til að huga að útilýsingu við heimili sín og slökkva á ljósum sem kunna að kvikna sjálfkrafa, til dæmis vegna tímastillingar.

Danskir dagar 2026

Mon, 10 Aug 2026 09:59:00 +0000

Danskir dagar verða haldnir í Stykkishólmi dagana 12.–16. ágúst 2026. Hátíðin er ein elsta bæjarhátíð landsins og hefur verið haldin frá árinu 1994. Eftir afar vel heppnaða hátíð árið 2024 er á ný stefnt að fjölbreyttri og líflegri bæjarhátíð þar sem íbúar og gestir koma saman og njóta þess besta sem Stykkishólmur hefur upp á að bjóða.

Hækusýning á Frúarhól

Tue, 04 Aug 2026 15:11:00 +0000

Hækusýning hefur verið sett upp á Frúarhól í þriðja sinn. Anna Sigríður Gunnarsdóttir stendur fyrir sýningunni ásamt höfundi, en hækurnar eru eftir Theodóru Gallant Helgason, og eru á ensku.

Almyrkvi verður 12. ágúst

Tue, 04 Aug 2026 14:40:00 +0000

Þann 12. ágúst 2026 verður almyrkvi á sólu sjáanlegur frá Íslandi í fyrsta sinn síðan 1954. Almyrkvi á sér stað þegar tunglið gengur beint milli sólar og jarðar og skyggir alveg á sólina í örfáar mínútur. Á þeim tíma verður dimmt og hitastig getur jafnvel lækkað lítillega. Fyrir og eftir almyrkva sést deildarmyrkvi, það er þegar tunglið skyggir á hluta sólar.Almyrkvinn sést frá Vestfjörðum, Snæfellsnesi og Vesturlandi, höfuðborgarsvæðinu og Reykjanesskaga.

Hólmarar stigu á svið á Wacken Metal Battle

Thu, 30 Jul 2026 09:20:00 +0000

Hljómsveitin SÓT steig á svið á Wacken Metal Battle í Þýskalandi í gær og stóð sig með miklum glæsibrag fyrir hönd Íslands. Hljómsveitina skipa Hólmararnir Ísleifur Jónsson gítarleikari og Ívar Leo Hauksson bassaleikari ásamt norðlendingunum Arnari Smára Sigurðssyni trommuleikara, Aroni Frey Ívarssyni söngvara og Daníel Hrafni Ingvarssyni gítarleikara. SÓT vann sér þátttökurétt í alþjóðlegu lokakeppninni með sigri í íslensku undankeppninni fyrr á árinu og keppir nú við hljómsveitir víðs vegar að úr heiminum á Wacken Open Air, einni stærstu þungarokkshátíð heims.

Hringabrynjusund í Sundlaug Stykkishólms

Mon, 27 Jul 2026 13:25:00 +0000

Í Íslendingasögunum eru lýsingar á bardögum þar sem einstaklingar berjast á bátum á sjó en detta útbyrðis og þurfa að synda til að bjarga lífi sínu, eins og í Ólafs sögu Tryggvasonar, ellegar sökkva. Til að kynnast betur sögunum okkar efna skipuleggjendur viðburðarins til keppni milli sundlauga í hringabrynjusundi til að komast að því hversu erfitt er að synda "milli skipa" í hringabrynju eins og Ólafur Tryggvason - frá einum bakka grunnu laugarinnar yfir á hinn.

Baldur kominn heim

Thu, 23 Jul 2026 14:43:00 +0000

Breiðafjarðarferjan Baldur sneri heim í dag, fimmtudaginn 23. júlí, eftir að hafa sinnt siglingum milli Landeyjahafnar og Vestmannaeyja frá því í byrjun júní vegna bilunar í Herjólfi. Frá og með morgundeginum, 24. júlí, hefjast svo reglubundnar ferjusiglingar milli Stykkishólms, Flateyjar og Brjánslækjar á ný. Vegagerðin tilkynnti um ákvörðun innviðaráðherra um að færa Baldur til Vestmannaeyja 2. júní eftir að önnur vél Herjólfs bilaði. Baldur hóf siglingar þar 8. júní til að tryggja samgöngur við Eyjar á meðan viðgerð stóð yfir. Á sama tíma tók farþegabáturinn Særún við siglingum til Flateyjar en engar siglingar voru yfir á Brjánslæk.

Taka á honum stóra sínum í Stykkishólmi

Wed, 22 Jul 2026 14:12:00 +0000

Víkingurinn 2026, aflraunakeppni milli sterkustu manna landsins, fer fram dagana 24. - 26. júlí 2026 og fara tvær keppnisgreinar og verðlaunaafhending fram í Stykkishólmi. Sunnudaginn 26. júlí taka kraftajötnar á honum stóra sínum fyrir utan Sjávarpakkhúsið og eru íbúar hvattir til að fjölmenna og styðja keppendur áfram. Að keppni lokinni verður verðlaunaafhending.