Sveitarfélagið Stykkishólmur

Tillaga um launalækkun og aukið aðhald samþykkt samhljóða

Fri, 30 Oct 2026 14:50:00 +0000

Bæjarstjórn Sveitarfélagsins Stykkishólms samþykkti samhljóða á fundi sínum 29. október að vísa fjárhagsáætlun fyrir árið 2027, ásamt þriggja ára áætlun fyrir árin 2028–2030, til síðari umræðu. Á fundinum var jafnframt samþykkt samhljóða tillaga Björns Ásgeirs Sumarliðasonar, forseta bæjarstjórnar, um tímabundna launalækkun bæjarfulltrúa og bæjarstjóra og stefnumörkun í fjármálum fyrir árin 2027 og 2028.

Nýjar raðhúsaíbúðir Stólpa kynntar í Stykkishólmi

Fri, 30 Oct 2026 13:20:00 +0000

Tíu nýjar raðhúsaíbúðir Stólpa við Bauluvík 1 í Víkurhverfi voru kynntar gestum á sérstökum kynningarfundi Stólpa í gær, fimmtudaginn 29. október. Íbúðirnar eru um 45 fermetrar hver og bæta við framboð minni íbúða í Stykkishólmi. Kynningin fór fram á Fosshótel Stykkishólmi og gafst boðsgestum jafnframt tækifæri til að skoða húsin. Ragnar Þór Ingólfsson, félags- og húsnæðismálaráðherra, tók þátt í kynningunni ásamt fulltrúum Stólpa og samstarfsaðila. Jakob Björgvin Sigríðarson Jakobsson, bæjarstjóri, ávarpaði gesti fyrir hönd bæjarstjórnar.

53. fundur bæjarstjórnar Stykkishólms

Tue, 27 Oct 2026 17:00:00 +0000

53. fundur bæjarstjórnar Stykkishólms fer fram fimmtudaginn 29. október 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Ritað undir stofnun þekkingarseturs við Breiðafjörð

Fri, 23 Oct 2026 14:08:00 +0000

Logi Einarsson, menningar-, nýsköpunar- og háskólaráðherra, undirritaði í gær, 22. október 2026, samning við Sveitarfélagið Stykkishólm um stofnun og rekstur nýs þekkingarseturs á Snæfellsnesi. Setrið verður staðsett í Stykkishólmi og er fyrsta svæðisbundna þekkingarsetrið af þessu tagi á Vesturlandi, en sambærileg setur starfa nú þegar í öllum öðrum landshlutum á grundvelli samninga við ráðuneytið.

Malbikun heldur áfram

Wed, 21 Oct 2026 09:28:00 +0000

Malbikun á Stykkishólmsvegi heldur áfram í dag, miðvikudaginn 21. október. Malbikað verður frá afleggjara frá Arnarborg að afleggjara að Snooppu í dag. Báðar akgreinar verða malbikaðar samtímis og reiðstígurinn nýttur sem hjáleið eins og sýnt er á myndinn hér að neðan.

Óskað eftir ábendingum og tillögum við gerð fjárhagsáætlunnar

Tue, 20 Oct 2026 15:34:00 +0000

Vinna við gerð fjárhagsáætlunar sveitarfélagsins stendur nú yfir og er íbúum gefin kostur á að skila inn ábendingum og tillögum vegna þessa og hafa með því móti tækifæri til að hafa áhrif á aðgerðir bæjarstjórnar.

Fundur um stöðu og framtíð ferðaþjónustunnar í Norðvesturkjördæmi

Tue, 20 Oct 2026 11:29:00 +0000

Fimmtudaginn 22. október standa Samtök ferðaþjónustunnar, Markaðsstofa Vesturlands og Markaðsstofa Vestfjarða að fundi um stöðu og framtíð ferðaþjónustunnar í Norðvesturkjördæmi. Fundurinn fer fram í Hjálmakletti, Menningarhúsi Borgarfjarðar í Borgarnesi kl. 17:00-19:00 undir yfirskriftinni Mótvindur – Eru stjórnvöld helsta hindrun ferðaþjónustunnar?

Lokun á Stykkishólmsvegi vegna malbikunar

Tue, 20 Oct 2026 08:37:00 +0000

Malbikun á Stykkishólmsvegi hefst í dag, þriðjudaginn 20. október. Gert er ráð fyrir að verkið standi yfir í dag og á morgun. Malbikað verður frá afleggjara að Fákaborg og út fyrir afleggjara að Snoppu. Ákveðið var að malbika báðar akgreinar samtímis og nýta veginn um Arnarborg og Nýrækt sem hjáleið. Vegurinn lokar í dag en framkvæmdaraðilar vinna nú að því að koma upp umferðarstýringu um hjáleiðir á svæðinu í samræmi við kortið hér að neðan. Almenn hjáleið til að komast úr bænum liggur um Nýrækt og Arnarborg en þeir sem þurfa að komast að Hamraendum fara upp Fákaborg og reiðstíginn.

Kosið í dreifbýlisráð 7. nóvember

Mon, 19 Oct 2026 11:00:00 +0000

Kosið verður í dreifbýlisráð laugardaginn 7. nóvember í Félagsheimilinu Skildi í Helgafellssveit. Kosningarrétt í kosningu til dreifbýlisráðs hafa íbúar innan sveitarfélagamarka Helgafellssveitar eins og þeim er lýst á sveitarfélagakorti Landmælinga Íslands frá 2014 og íbúar með búsetu í Ögri.

Sveitarfélagið Stykkishólmur hlýtur Jafnvægisvog FKA

Wed, 14 Oct 2026 13:16:00 +0000

Sveitarfélagið Stykkishólmur hefur hlotið viðurkenningu Jafnvægisvogarinnar 2026 fyrir að hafa náð markmiði um kynjajafnvægi í efsta stjórnendalagi. Þetta er ekki einungis áfangi heldur staðfesting á þeirri vegferð sem sveitarfélagið hefur verið á sem er að skapa vinnustað þar sem allir hafa jöfn tækifæri til að vaxa, leiða og hafa áhrif. Fjölbreytt stjórnendateymi taka betri ákvarðanir, stuðla að sterkari menningu og betri árangri fyrir sveitarfélagið og samfélagið allt.

Gróður á lóðamörkum

Wed, 14 Oct 2026 09:13:00 +0000

Trjágróður sem vex út fyrir lóðarmörk getur skapað óþægindi og jafnvel hættu fyrir gangandi og akandi vegfarendur. Sveitarfélagið hvetur garðeigendur til að klippa tré sín svo þau hvorki hindri vegfarendur, hylji umferðarskilti, götumerkingar né dragi úr götulýsingu. Einnig þarf að hugsa fyrir aðgengi vegna snjóhreinsunar.

Vonskuveðri spáð á miðvikudag

Tue, 13 Oct 2026 14:58:00 +0000

Veðurstofa Íslands spáir vonskuveðri um land allt á morgun, miðvikudaginn 14. október. Í athugasemd veðurfræðings segir að mjög djúp og kröpp lægð nálgast landið úr suðri í nótt og skil frá henni gangi inn á landið í fyrramálið með austan stormi og talsverðri úrkomu. Gul viðvörun hefur verið gefin út fyrir Breiðafjörð frá kl. 09:00 til 20:00 á morgun, 14. október.

Krakka Rökkur Rokk í Grundarfirði

Fri, 09 Oct 2026 10:54:00 +0000

Rokkviðburðavika fyrir krakka á öllum aldri stendur nú yfir í Grundarfirði. Um helgina verða tónleikar í Samkomuhúsi Grundarfjarðar og því tilvalið fyrir Hólmara að gera sé ferð út á nes og heilsa upp á nágrannana. Dagskráin er hluti af barnamenningarhátíðinni Barnó Best Mest Vest á Vesturlandi og Rökkurdögum Grundarfjarðarbæjar.

Sveitarfélagið Stykkishólmur takmarkar hækkanir almennra gjaldskráa við 2,5% árið 2027

Mon, 05 Oct 2026 08:20:00 +0000

Bæjarstjórn Stykkishólms samþykkti á fundi sínum 1. október að hækkanir almennra gjaldskráa sveitarfélagsins verði að hámarki 2,5% árið 2027. Verður það lagt til grundvallar við gerð fjárhagsáætlunar fyrir árið 2027 í samræmi við forsendur fjárhagsáætlunar sem lágu til afgreiðslu á fundinum.

Auglýsing um skipulag

Thu, 01 Oct 2026 08:00:00 +0000

Á 47. fundi bæjarstjórnar þann 30. apríl 2026 var samþykkt að auglýsa eftirfarandi deiliskipulagsbreytingar, skv. 1. mgr. 41. gr. skipulagslaga nr. 123/2010. Vatnsás í Víkurhverfi. Breytingin nær til svæðis syðst í Víkurhverfi. Skipulagssvæðið minnkar þar sem stór hluti svæðisins er illbyggilegur, göturnar Móvík og Sundvík falla út, fjöldi íbúða fer úr 21-32 í 14-28 og heimilt er að byggja parhús og einbýli. Lóðin R1 helst óbreytt í stærð en fer úr 2-4 íbúðir í 3-6. (Mál nr. 1120/2026 í Skipulagsgátt).

52. fundur bæjarstjórnar Stykkishólms

Tue, 29 Sep 2026 17:00:00 +0000

52. fundur bæjarstjórnar Stykkishólms fer fram fimmtudaginn 1. október 2026 kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Ungmennaþing Vesturlands

Tue, 22 Sep 2026 10:00:00 +0000

Ungmennaþing Vesturlands verður haldið á Hótel Borgarnesi helgina 25.-27.september 2026. Um er að ræða samstarfsverkefni sveitarfélaga á Vesturlandi, Ungmennaráðs Vesturlands og Samtaka sveitarfélaga á Vesturlandi (SSV) og er fjármagnað af Sóknaráætlun Vesturlands.

Laus pláss í tónlistarnám

Fri, 18 Sep 2026 14:22:00 +0000

Tónlistarskóli Stykkishólms auglýsir eftir nemendum. Nokkur laus pláss eru í söngnám, trommu- og slagverksnám, kornett-, trompet-, horn- og básúnunám. Áhugasamir eru hvattir til að kynna sér námið og sækja um á vefsíðu skólanns.

Heilsudagar í Hólminum 2026

Thu, 17 Sep 2026 14:34:00 +0000

Heilsudagar í Hólminum eru haldnir dagana 23. - 30. september í tilefni af íþróttaviku Evrópu. Markmið vikunnar er að kynna íþróttir og hreyfingu fyrir almenningi sem getur hentað öllum óháð aldri, bakgrunni eða líkamlegu ástandi og sporna þannig við auknu hreyfingarleysi meðal almennings.

Hannesarsteinn færður vegna framkvæmda

Thu, 17 Sep 2026 13:10:00 +0000

Hannesarsteinn, sem staðið hefur við Stykkishólmsveg við afleggjarann að kirkjugarði og Nýrækt, var færður nú í morgun, miðvikudaginn 17. september. Eins og fram hefur komið á vef sveitarfélagsins þurfti steininn að víkja vegna framkvæmda sem nú standa yfir við Stykkishólmsveg.