Fréttir

Á 23. fundi bæjarstjórnar samþykkti bæjarstjórn að grenndarkynna tillögu að óverulegri breytingu á deiliskipulagi við Nónvík vegna breytinga á lóðinni við Hjallatanga 48 fyrir lóðarhöfum Hjallatanga 44 og 46, skv. 2. mgr. 43. gr. skipulagslaga nr. 123/201, sbr. 1. mgr. 44. gr. skipulagslaga nr. 123/2010. Bæjarstjórn Stykkishólms fól bæjarstjóra á 23. fundi sínum, í samræmi við afgreiðslu skipulagsnefndar og bæjarráðs, að afgreiða tillögu um óverulega breytingu á deiliskipulagi til Skipulagsstofnunar hafi engar athugasemdir borist við grenndarkynningu eða ef þeir sem hagsmuna eiga að gæta hafa lýst skriflega yfir með áritun sinni á kynningargögn að þeir geri ekki athugasemdir við skipulagstillöguna. Tillagan var grenndarkynnt 18. mars til 16. apríl 2024. Engar athugasemdir bárust og telst því tillagan staðfest af hálfu bæjarstjórnar.

Þann 29. febrúar sl, samþykkti bæjarstjórn að kynna vinnslutillögu breytingar á Aðalskipulagi Helgafellssveitar 2012-2024 vegna fyrirhugaðrar frístundabyggðar, íbúðarbyggðar og verslunar og þjónustu á Saurum 9 (Vigraholti) í samræmi við 2. mgr. 30. gr. skipulagslaga nr. 123/2010. Skipulagslýsing var auglýst 7. nóvember til 5.desember 2023 með kynningafundi 22. nóvember. Athugasemdir sem bárust hafa verið hafðar til hliðsjónar við gerð vinnslutillögunnar sem nú er kynnt.

Þann 25. janúar sl. samþykkti bæjarstjórn Sveitarfélagsins Stykkishólms að auglýsa skipulagslýsingu vegna breytingar á Aðalskipulagi Helgafellssveitar 2012-2024 í samræmi við 1. mgr. 36. gr. með vísun í 1. mgr. 30. gr. skipulagslaga nr. 123/2010.

Þann 25. janúar sl. samþykkti bæjarstjórn Stykkishólms tillögu að óverulegri breytingu á deiliskipulagi Reitarvegar vegna stækkunar á byggingarreit fyrir sólskála á Sæmundarreit 8. Húsið var reist árið 1906 og stóð áður við Laugaveg 27b í Reykjavík og nýtur samkvæmt því friðunar vegna aldurs sbr. lög um menningarminjar nr. 80/2012. Í því felst að óheimilt er að raska húsinu, spilla því eða breyta, rífa eða flytja úr stað. Leitað var umsagnar Minjastofnunar, sem veitti jákvæða umsögn.

Þann 11. september 2023, samþykkti skipulagsnefnd að grenndarkynna óverulega breytingu á deiliskipulagi miðbæjar Stykkishólms vegna fyrihugaðra breytinga á og við Aðalgötu 16 í samræmi 2. mgr. 44. gr. skipulagslaga nr. 123/2010. breytingartillagan felst í niðurfellingu á bílskúrsreit, stækkun og tilfærslu á byggingarreit hússins og aðlögun lóðarmarka samkvæmt því ásamt færslu á stíg aftan við húsið.

Þann 25. janúar sl. samþykkti bæjarstjórn Stykkishólms að auglýsa skipulagslýsingu vegna fyrirhugaðrar uppbyggingar hótels og íbúða á Agustsonreit í Stykkishólmi. Um er að ræða sameiginlega skipulagslýsingu vegna breytingar á Aðalskipulagi Stykkishólms 2002-2022 í samræmi við 1. mgr. 36. gr. skipulagslaga nr. 123/2010 og tillögu að nýju deiliskipulagi í samræmi við 1. mgr. 40. gr. laganna.

Haldinn verður opinn kynningarfundur um breytingu á deiliskipulagi Víkurhverfis í Amtsbókasafninu í Stykkishólmi fimmtudaginn 11. janúar kl. 17:00. Áður var haldinn fundur um sama efni 19. desember síðastliðinn en svo óheppilega vildi til að fundurinn var á sama tíma og hátíðartónleikar Tónlistarskólans. Í ljósi þessa var ákveðið að halda annan fund og gefa þannig þeim sem ekki komust síðast kost á því að mæta nú og kynna sér breytinguna.

Opnir kynningarfundir verða í Amtbókasafninu í Stykkishólmi þriðjudaginn 19. desember kl. 17 fyrir Þingskálanes og kl. 18 fyrir Víkurhverfi. Þann 30. nóvember sl. samþykkti bæjarstjórn Sveitarfélagsins Stykkishólms að auglýsa eftirfarandi skipulagstillögur: Þingskálanes, Gæsatangi og Hamrar - Nýtt deiliskipulag og Víkurhverfi - Breyting á deiliskipulagi.

Miðvikudaginn 22. nóvember kl. 17:00 verður haldinn kynningarfundur á Amtsbókasafninu í Stykkishólmi um fyrirhugaða uppbyggingu á Vigraholti. Á fundinum kynnir landeigandi skipulagslýsingu vegna fyrirhugaðrar uppbyggingar frístundabyggðar, íbúðarbyggðar og verslunar og þjónustu.  

Bæjarráð, í fjarveru bæjarstjórnar vegna sumarleyfa, samþykkti á 12. fundi sínum, þann 20. júní 2023, að grenndarkynna tillögu að deiliskipulagsbreytingu í samræmi við 2. mgr. 43. gr. skipulagslaga nr. 123/2010. Tillagan er í samræmi við gildandi aðalskipulag og felst í færslu á byggingarreit fyrir bílskúr við Skúlagötu 23. Samkvæmt gildandi deiliskipulagi frá 2007 er bílskúrsreiturinn staðsettur norðan megin við íbúðarhúsið en færist nú suður fyrir húsið.