Fréttasafn

Á Gamlárskvöld verður kveikt áramótabrennu kl. 20:30 við Vatnsás í landi Stykkishólms líkt og undanfarin ár. Fögnum nýju ári og kveðjum það gamla. Mánudaginn 6. Janúar 2020 kl. 20:00 verður kveikt í þrettándabrennu við Vatnsás í landi Stykkishólms. Við brennuna verða ýmis fyrirbæri á sveimi ásamt álfadrottningu og álfakóngi sem færa munu börnum blys. Fólk hvatt til þess að mæta með grímur og hatta og rifja upp gömlu góðu þrettándalögin. Björgunarsveitin Berserkir verður með flugeldasýningu.

Líkt og áður var auglýst samþykkti bæjarstjórn Stykkishólmsbæjar þann 31. október 2019, að auglýsa tillögu að breytingu á deiliskipulagi miðbæjar Stykkishólms, Skúlagata 26a samkvæmt 1. mgr. 43. gr. skipulagslaga nr. 123/2010.

Líkt og áður var auglýst hefur bæjarstjórn Stykkishólmsbæjar samþykkt að auglýsa skipulagslýsingu fyrir gerð deiliskipulagstillögu austan Aðalgötu skv. 1. og 2. mgr 40.gr. skipulagslaga nr. 123/2010.

Eflaust hefur veður og fréttir af veðri ekki farið framhjá neinum þennan morguninn, en appelsínugulviðvörun er í gildi á Breiðafirði og Snæfellsnesi. Gera má ráð fyrir að veður versni þegar líður á daginn

Grunnskólinn í Stykkishólmi óskar eftir forfallakennara í 15 tíma á viku. Viðkomandi þarf að geta hafið störf 3. janúar næstkomandi. Laun og starfskjör eru samkvæmt kjarasamningum Kennarasambands Íslands

Í ljósi nýjustu upplýsinga frá Veðurstofu Íslands hefur verið tekin sú ákvörðun að slíta skóla fyrr og mælumst við til að börn verði sótt eigi síðar en klukkan 10.

Kvenfélagið Hringurinn Stykkishólmi var í fararbroddi við söfnun fyrir göngubretti sem Endurhæfingadeild SFS, HVE Stykkishólmi fékk að gjöf nýverið. Fengu þær liðstyrk frá Lionsklúbbnum Hörpunni Stykkishólmi og Lionsklúbbi Stykkishólms við söfnunina en heildarverð var tæplega 1.500.000. Formenn klúbbanna mættu til að afhenda göngubrettið þann 21.nóvember sl. og var boðið uppá kaffi og kökur í tilefni dagsins.

Sóknaráætlun Vesturlands fyrir árin 2020-2024 er komin út. Um er að ræða þróunaráætlun landshlutans og felur í sér stöðumat hans, framtíðarsýn, markmið og áherslur til að ná fram þeirri framtíðarsýn.

Í gær funduðu í Hólminum starfsmenn ungmennahúsa á Íslandi en hópurinn hittist einu sinni í mánuði til að skiptast á hugmyndum, efla samstarfið og ræða málefni ungs fólks á Íslandi og hvað hægt sé að gera til að bæta starfið.

Jólaljósin voru tendruð í gær við hátíðlega athöfn í Hólmgarði. Veðrið var með besta móti og margt um manninn að vanda.