Fréttasafn

Starfsfólk Markaðsstofu Vesturlands leggur land undir fót næstu daga og heimsækir ferðaþjónustuaðila á Vesturlandi til að eiga við þá samtal. Fundað verður á Amtsbókasafninu í Stykkishólmi kl. 17 í dag og eru ferðaþjónustuaðilar í Stykkishólmi hvattir til að mæta.

Grunnskólinn í Stykkishólmi auglýsir eftirfarandi stöður lausar frá 1. ágúst 2020.

Verkís hf., fyrir hönd Félags- og skólaþjónustu Snæfellinga, óskar eftir tilboðum í framkvæmdir vegna byggingar 5 íbúða, ásamt starfsmannaaðstöðu, búsetuþjónustukjarna fatlaðs fólks við Ólafsbraut 62-64, Ólafsvík. Tilboðum skal skila rafrænt á netfangið anmt@verkis.is fyrir kl.13.00, 15. maí 2020. Tilboð verða opnuð á fjarfundi kl. 13.30, sama dag, 15. maí 2020.

Trjágróður sem vex út fyrir lóðarmörk getur skapað óþægindi og jafnvel hættu fyrir gangandi og akandi vegfarendur. Stykkishólmsbær hvetur garðeigendur til að klippa tré sín svo þau hvorki hindri vegfarendur, hylji umferðarskilti, götumerkingar né dragi úr götulýsingu. Einnig þarf að hugsa fyrir aðgengi vegna snjóhreinsunar.

Í undirbúningi eru umsóknir Stykkishólmsbær í aðgerðarpakka tvö frá ríkisstjórninni þar sem gert er ráð fyrir framlagi til úrræða í atvinnu fyrir námsmenn á aldrinum 18-25 ára.

Bæjarstjórn Stykkishólmsbæjar mótmælti kröftuglega, á fundi sínum nú í morgun, ákvörðun sjávarútvegs- og landbúnaðarráðherra um að stöðva fyrirvaralaust grásleppuveiðar við landið.

Af gefnu tilefni minnir Stykkishólmsbær á að lausaganga hunda í bæjarlandinu er með öllu óheimil skv. 15. gr. samþykktar um hundahald í Stykkishólmsbæ. Þá er eigendur og umráðamönnum hunda einnig skylt að gæta þess vel að hundar þeirra valdi ekki hættu, óþægindum, óþrifnaði eða raski ró manna, svo sem með stöðugu eða ítrekuðu ýlfri eða gelti. Eigendum og umráðamönnum hunda er ávallt skylt að fjarlægja saur eftir hunda sína.

Íslensk erfðagreining býður íbúum Stykkishólms upp á skimun fyrir Covid-19 þann 6. og 7. maí 2020. Sýnataka fer fram á planinu við Heilsugæsluna kl 13:00-16:00 báða dagana.

Stykkishólmsbær býður í sumar upp á leikjanámskeiðið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar.

Stykkishólmsbær, Rannsóknasetur Háskóla Íslands á Snæfellsnesi og Náttúrustofa Vesturlands vekja athygli á því að frestur til að sækja um styrki í Nýsköpunarsjóð námsmanna rennur út 8. maí nk. Styrkveiting felst í því að sjóðurinn greiðir námsmanni mánaðarlega styrki á meðan samstarfsaðili útvegar viðeigandi aðstöðu.