Fréttasafn

Framkvæmdir við nýjan körfuboltavöll á lóð Grunnskólans í Stykkishólmi hafa staðið yfir undanfarið og fjöldi fólks lagt hönd á plóg. Stór áfangi náðist nú í þessari viku þegar undirlag vallarins var lagt niður. Við blasir nú fagurblár körfuboltavöllur með rauðum teigum.

Íbúum Stykkishólmsbæjar er nú gefin kostur á að skila inn ábendingum og tillögum vegna fjárhagsáætlunargerðar bæjarins fyrir árið 2022 og hafa með því móti tækifæri til að hafa áhrif á aðgerðir bæjarstjórnar. Um getur verið að ræða ný verkefni, nýjar fjárfestingar, áhersluverkefni í starfsemi bæjarins eða tillögur til hagræðingar í starfsemi Stykkishólmsbæjar. Áhugasamir einstaklingar og aðilar í Stykkishólmi sem vilja koma fram tillögum eða ábendingum varðandi fjárhagsáætlun 2022, eru hvattir til að koma þeim til skila í síðasta lagi 10. nóvember 2021 á netfangið samrad@stykkisholmur.is, eða skriflega í Ráðhúsið í Stykkishólmi.

Íþrótta- og Ólympíusamband Íslands (ÍSÍ) í samstarfi við Sundsamband Íslands stendur fyrir landsátaki í sundi frá 1. til 28. nóvember 2021. Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess.

Foreldrafélag Grunnskólans í Stykkishólmi stendur fyrir hrekkjavökugöngu og böllum fyrir nemendur grunnskólans fimmtudaginn 28. október. Gangan fer frá Grunnskólanum kl. 18:00 og verður gengið í hús á milli 18 og 19 þar sem börn safna sér nammi, eins og þekkt er. Gengið verður út frá þeirri reglu að banka megi uppá þar sem hús hafa verið skreytt í tilefni Hrekkjavökunnar.

Komandi helgi, 29.-31. október, verður mikið um að vera í Stykkishólmi en þá bjóða Hólmarar til veislu fyrir öll skilningarvit; hugleiðsla, kakóseremónía, sjósund, tónheilun, flot, náttúruhlaup, kundalini activation, dásamleg náttúra, gómsætur matur er meðal þess sem yfirgripsmikil dagskrá býður upp á.

Starfsfólk Umhverfis- og skipulagssviðs Stykkishólms, Grundarfjarðar, Helgafellssveitar og Eyja- og Miklaholtshrepps sótti síðastliðinn föstudag námskeið í Ráðhúsinu í Stykkishólmi þar sem Árni Geirsson frá ráðgjafarfyritækinu Alta leiðbeindi viðstöddum um notkun stafræna kortagrunnsins QGIS.

Ráðið hefur verið í nýjar stöður á sameiginlegu sviði umhverfis- og skipulagsmála hjá Eyja- og Miklaholtshreppi, Grundarfjarðarbæ, Helgafellssveit og Stykkishólmsbæ. Sveitarfélögin fjögur hafa sameinast um uppbyggingarverkefni innan stjórnsýslu með stofnun hins nýja sameiginlega sviðs.

Starfshópur um eflingu atvinnulífs stendur fyrir stuttri skoðanakönnun með það að leiðarljósi að efla samfélag og byggð í Stykkishólmi. Aðeins tekur um 3-4 mínútur að svara könnuninni. Markmiðið er að kanna hver hugur fólks er með næstu skref í atvinnumálum bæjarins og kalla fram ábendingar Stykkishólmi til framdráttar. Markmið þetta er í samræmi við erindisbréf starfshópsins um að vinna tillögur að eflingu atvinnulífs í Stykkishólmi með því að greina tækifæri sem liggja í svæðisbundnum styrkleikum og leggja til aðgerðir til þess að nýta þau. Nánari upplýsingar um vinnu starfshópsins má finna á heimasíðu Stykkishólmsbæjar.

Helga Guðjónsdóttir, atvinnuráðgjafi SSV, og Sigursteinn Sigurðsson, menningarráðgjafi SSV, verða í Ráðhúsi Stykkishólmsbæjar mánudaginn 4. október frá kl. 13:00 ? 16:00. Verkefni atvinnuráðgjafa felast í að vera einstaklingum, fyrirtækjum og sveitarstjórnum til aðstoðar á sviði atvinnumála

Opinn kynningar- og samráðsfundur fyrir íbúa Stykkishólms verður haldinn miðvikudaginn nk., 6. október, kl. 17:00 í sal Amtsbókasafnsins. Á fundinum kynnir starfshópur um stefnumörkun Stykkishólmsbæjar í málefnum einstaklinga 60 + helstu markmið með skipan starfshópsins. Starfshópurinn óskar jafnframt eftir ábendingum sem gætu veitt starfshópnum gott veganesti. Fundurinn er opinn öllum.