Vinnustaðaheimsókn

Atvinnu- og nýsköpunarnefnd þakkar Isea ehf. fyrir góða kynningu á starfsemi félagsins. Atvinnu- og nýsköpunarnefnd lýsir ánægju með þann metnað og framtaksemi sem forsvarsmönnum félagsins hafa fyrir rekstrinum og aukinni verðmætasköpun í nærsamfélaginu, sérstaklega áherslum félagsins á að fullvinna sem mest afurðir sínar í heimabyggð. Á fundinum kom fram að forsvarsmenn félagsins séu ávallt reiðubúnir til þess að kynna áhugasömum íbúum starfsemi félagsins og hvetur atvinnu- og nýsköpunarnefnd íbúa til þess að taki boði félagsins og kynna sér starfsemi þess og þær góðu afurðir sem þar eru unnar.

Í heimsókn atvinnu- og nýsköpunarnefndar til félagsins kom hins vegar fram að sú alvarlega staða sé uppi að dreifikerfi Veitna afkasti ekki þeirri orku sem Veitur hefðu gefið félaginu upp og var forsenda allrar hönnunar og fjárfestinga í fyrirliggjandi vinnslulínu. Brýnt að tryggja félaginu þá orku sem búið var að gefa loforð um og var m.a. forsenda kostnaðarþátttöku félagins í innviðum Veitna. Atvinnu- og nýsköpunarnefnd skorar á Veitur og Orkuveitu Reykjavíkur að bregðast nú þegar við þessari alvarlegu stöðu í Stykkishólmi.

Bæjarstjórn tekur undir ályktun atvinnu- og nýsköpunarnefndar og gerir kröfu til Veitna um að staðið sé við þá samninga og fyrirheit sem gefin voru vegna verkefnisins. Sérstaklega er þetta alvarlegt mál gagnvart fyrirtæki sem er á viðkvæmu stigi í sinni uppbygingu sem byggir meðal annars á nýsköpun og áframvinnslu afurða.

Ályktunin verður send Veitum og Orkuveitu Reykjavíkur.