Fréttasafn

Dvalarheimilið í Stykkishólmi vekur athygli á heimsóknarreglum yfir hátíðarnar og skilar jólakveðju.

Íbúum um allt land býðst að njóta listagjafar helgina 19.-20. desember nk. Listafólk í fremstu röð mun þá sækja fólk heim og flytja stutta listgjörninga, tónlist, ljóðlist, sirkusatriði eða dans sem gefendur geta pantað fyrir ástvini í gegnum vefinn. Einnig verður boðið upp á rafrænar listagjafir til þeirra sem geta ekki tekið á móti gjöf í eigin persónu vegna sóttvarnatilmæla eða staðsetningar.

Lóðin Hamraendi 12 er hér með auglýst til úthlutunar í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði og bætist hún þar með á úthlutunarlista yfir lausar lóðir í Stykkishólmi. Umsóknarfrestur er til 22. desember 2020.

Næstkomandi laugardag, 12.desember, verður jólalest Tónlistarskóla Stykkishólms á ferðinni. Lestin stoppar á völdum stöðum þar sem nemendur Tónlistarskólans flytja jólalög.

Samkomubann mun áfram miðast við tíu manns til 12. janúar með nýjum sóttvarnareglum sem taka gildi á morgun, fimmtudaginn 10. desember. Sundlaugum landsins verður heimilt að opna á ný en þó með takmörkunum líkt og fyrr. Í ljósi þessa opnar sundlaugin í Stykkishólmi kl. 07.05 í fyrramálaið, venju samkvæmt.

Opnað hefur verið fyrir umsóknir í lista- og menningarsjóð Stykkishólmsbæjar. Samkvæmt reglum sjóðsins er hlutverk hans meðal annars að styðja og styrkja lista og menningarstarf í Stykkishólmi og hvetja til nýsköpunar á sviði lista og menningar.

Landvarðarnámskeið Umhverfisstofnunar verður haldið í febrúar 2021. Starfsmenn stofnunarinnar hafa endurskipulagt námskeiðið með það að markmiði að geta kennt það óháð aðstæðum í samfélaginu. Námskeiðið í ár verður allt kennt í fjarnámi.

Það var gaman að verða vitni að því í vikunni þegar 1. bekkur kveikti á jólatrénu í Hólmgarði en um leið skrítið að hafa stundina ekki opna öllum venju samkvæmt

Fjölbrautaskóli Snæfellinga býður upp á nám í íslensku fyrir þá sem eru með annað móðurmál. Ef þú ætlar að búa og starfa á Íslandi þarftu að ná góðum valdi á töluðu og rituðu máli og því ekki að skella sér í nám. Við bjóðum upp á grunnáfanga í ensku, stærðfræði og upplýsingatækni auk náms á framhaldsskóla- og stúdentsbrautum.

Hundaeigendur athugið: Árleg hundahreinsun fer fram næstkomandi helgi, 5.-6. desember. Vegna sóttvarnarráðstafana er hundaeigendum skipt upp í fjóra hópa, eftir stafrófsröð skráðra eigenda, og hver hópur beðin um að koma á viðeigandi tíma skv. töflu hér að neðan.