Fréttasafn

Kæru vinir Við höfum fengið ábendingar frá fólki úti í bæ að nemendur á rafhlaupahjólum keyri allt of hratt á þeim og jafnvel á götunum. Á síðasta skólaári fengum við lögregluþjónana Jón Þór Eyþórsson, Björn Ásgeir Sumarliðason og Hafþór Inga Þorgrímsson til þess að koma og ræða við nemendur í 7. - 10. bekk um vespur og rafhlaupahjól.

Regluleg viðvera atvinnuráðgjafa í Stykkishólmi hefst á ný n.k. mánudag. Atvinnuráðgjafi Samtaka sveitarfélaga á Vesturlandi verður með skipulagða viðtalstíma í Ráðhúsinu í Stykkishólmi fyrsta mánudag hvers mánaðar í allan vetur. Helga Guðjónsdóttir atvinnuráðgjafi verður með fyrsta viðtalstíma næstkomandi mánudag, 7. september, kl. 13:00 - 15:00, ásamt Helgu verður Sigursteinn Sigurðsson, verkefnastjóri menningar, einnig með ráðgjöf.

Stykkishólmsbær tilkynnir hér með að laus er til úthlutunar 82 fm. félagslega íbúð að Skúlagötu 9, Stykkishólmi. Fundur velferðarnefndar sem tekur afstöðu til umsókna verður haldinn mánudaginn 7. september n.k. kl. 17.00. Á fundinum verður afstaða tekin til gildra umsókna sem þá liggja fyrir og vilji menn koma að nýjum umsóknum ?þurfa þær ?að berast á skrifstofu Stykkishólmsbæjar eigi síðar en kl. 15.00 þann dag á þar til gerðu eyðublaði.

Íbúum í grend við fyrirhugaðar nýjar lóðir í Áskinn og við Borgarflöt hafa fengið kynningarbréf þar sem gert er grein fyrir skipulagi lóðanna. Bréfinu er ætlað að upplýsa íbúa um fyrirhugaðar lóðir og gefa kost á að skila inn athugasemdum ef einhverjar eru en verði lóðum úthlutað mun skipulags- og bygginganefnd grenndarkynna byggingarleyfisumsóknir fyrir hagsmunaaðilum á grundvelli 44. gr. skipulagslaga nr. 123/2010.

Kæru vinir Þá er fyrsta vikan af þessu skólaári liðin. Nýja skipulagið hefur gengið vel.

Skólasetning Grunnskólans í Stykkishólmi fór fram sl. föstudag og hefðbundin kennsla hófst í morgun. Nú í upphafi nýs skólaárs stendur ÍSÍ fyrir átakinu göngum í skólann. Árlega taka milljónir barna frá yfir 40 löndum víðs vegar um heiminn þátt í átakinu með einum eða öðrum hætti. Göngum í skólann 2020 hefst 2. september en hægt verður að skrá sig til leiks meðan á verkefninu stendur eða fram að alþjóðlega Göngum í skólann deginum þann 7. október næstkomandi.

Búið er að setja upp ný leiktæki á lóð Grunnskólans í Stykkishólmi, um er að ræða klifurnet og kastala með tveimur rennibrautum. Þá verða fleiri leiktæki sett upp á Garðaflöt á næstu dögum. Staðsetning og val á tækjum er í samræmi við íbúasamráðsverkefni Stykkishólmsbæjar. Markmið verkefnisins var m.a. að fá íbúa til samráðs um skipulag og útfærslu leikvalla í bænum.

Fjöldi Hólmara skráðu sig til leiks í Reykjavíkurmaraþoni Íslandsbanka sem fram átti að fara nk. laugardag Hlaupið hefur verið stór viðburður í Reykjavík undanfarin ár en í samræmi við tilmæli Almannavarna var ákveðið að aflýsa viðburðinum í ár, þrátt fyrir það voru hlauparar hvattir til að halda áfram að safna fyrir góðum málefnum og hlaupa sína vegalengd á laugardaginn kemur. Þá hyggst hópur fólks hlaupa fyrir Berglindi Gunnarsdóttur í Stykkishólmi.

Vinnuskólinn gerir nú tilraunir til að minnka notkun plastpoka með því að nota heynet til að fjarlægja gras af túnum bæjarins. Þessar tilraunir eru ekki nýjar á nálinni þar sem Vinnuskólinn hefur reynt aðrar lausnir með fjölnota poka en ekki gengið sem skildi

Starfsemi leikskólans í Stykkishólmi hófst á ný eftir sumarfrí mánudaginn 10. ágúst. Ekki var annað að sjá en börnin væru ánægð með að mæta aftur í leikskólann eftir mánaðarfjarveru.