Fréttasafn

Dapurt ástand Skógarstrandarvegar hefur verið töluvert til umfjöllunar undanfarið. Í kjölfar þess að frestur til að senda umsagnir til umhverfis- og samgöngunefndar Alþingis vegna samgönguáætlunar rann út. Um er að ræða umsagnir um tillögu til þingsályktunar um fimm ára samgönguáætlun fyrir árin 2020-2024 en auk þess 15 ára samgönguáætlun fyrir árin 2020 ? 2034.

Í gær var haldinn stofnfundur ungmennaráðs Vesturlands þar sem fulltrúar fimm ungmennaráða komu saman og stofnuðu ráðið. Á fundinum var kosinn formaður Gubjörg Halldórsdóttir frá ungmennaráði Stykkishólmsbæjar, varaformaður Guðjón Snær Magnússon hjá ungmennaráði Akraneskaupstaðar og ritari Stefanía Bláfeld Viðarsdóttir hjá ungmennaráði Snæfellsbæjar.

Umhverfisstofnun auglýsir eftir landvörðum í tímabundin störf í Þjóðgarðinn Snæfellsjökul. Í þjóðgarðinum fer starfsemin fram á utanverðu Snæfellsnesi, á gestastofu á Malarrifi, ströndinni við Stapa, og í Búðahrauni. Gert er ráð fyrir að ráða í þrjú störf sem geta varað í 6-24 vikur en flestir landvarðanna starfa yfir sumartímann. Landverðir hafa búsetu á Malarrifi.

Snæfell félag smábátaeigenda á Snæfellsnesi hefur boðað til fundar um grásleppumál nk. fimmtudag 30. janúar. Fundurinn verður haldinn í Ráðhúsinu Stykkishólmi og hefst kl 17:00. Kristján Þór Júlíusson sjávarútvegs- og landbúnaðarráðherra mætir á fundinn og mun hann ávarpa fundargesti og svara fyrirspurnum.

Á bóndadaginn var haldið þorrablót í leikskólanum. Nemendur og kennarar gerðu ýmislegt til skemmtunar og fróðleiks í tilefni dagsins og klukkan 15 hófst svo hið eiginlega þorrablót. Börnin buðu til þorraveislu öllum þeim karlmönnum sem skipa stóran sess í lífi þeirra. Þarna mátti því sjá feður, afa, langafa, bræður, vini og frændur sem börnin sýndu stolt möppur sínar. Í salnum var búið að koma fyrir þrautabraut og hlaðborði með þorramat á og inni á deildum var ýmis verkefni að finna.

Dagur kvenfélagskonunar er í dag, 1. febrúar og eru nú 90 ár liðin frá stofnun Kvenfélagasambands Íslands.

Kæru vinir Gleðilegan bóndadag! Við viljum þakka foreldrum kærlega fyrir góða mætingu í gær en þá fóru fram foreldra- og nemendasamtö

Vegna veðurs hefjast sorphirðumenn handa við að tæma grænu tunnuna í dag, veðurspá fyrir miðvikudag og fimmtudag er slæm og því óvíst hvenær að hægt verði að sinna sorphirðu þá. Ruslabíllinn verður því á ferðinni í dag og eru íbúar eru hvattir til þess að moka frá tunnum sínum þar sem þess er þörf. Eins eru íbúar hvattir til að fylgjast með veðri og gera viðeigandi ráðstafnair.

Grunnskólinn í Stykkishólmi óskar eftir forfallakennara í 15 tíma á viku. Laun og starfskjör eru samkvæmt kjarasamningum Kennarasambands Íslands. Nánari upplýsingar um starfið veitir Berglind Axelsdóttir skólastjóri í síma 433-8178/895-3828 eða á netfangið berglind@stykk.is.

Fimmtudaginn 30., og föstudaginn 31. janúar lokar sundlaug Stykkishólms kl. 19:00 vegna þorrablótsæfinga.