Tillaga að fjárhagslegum og samfélagslegum aðgerðum Stykkishólmsbæjar til viðspyrnu og varna vegna COVID-19

Atvinnu- og nýsköpunarnefnd lýsir stuðningi sínum við framkomnar tillögur að fjárhagslegum og samfélagslegum aðgerðum Stykkishólmsbæjar til viðspyrnu og varna fyrir atvinnulíf vegna COVID-19. Nefndin telur hins vegar mikilvægt að Stykkishólmsbær sé reiðubúinn að skoða frekari aðgerðir til að verja störf í bænum eftir því sem áhrif veirunnar á atvinnulíf í bænum koma betur í ljós.

Atvinnu- og nýsköpunarnefnd lýsir sig reiðubúna að koma að undirbúningi markaðsátaks til eflingar á ferðaþjónustu á svæðinu og kynningu á Stykkishólmi þar sem dregnir eru fram kostir þess að búa í Stykkishólmi. Einnig er nefndin reiðubúin til að vinna, í samvinnu við Eflingu Stykkishólms, áætlun um markaðssetningu Stykkishólms og stuðning bæjarins við ferðaþjónustu sem viðbrögð við hruni í ferðaþjónustu fyrir árin 2020- 2021.

Atvinnu- og nýsköpunarnefnd er ennfremur reiðubúin að móta tillögur að stuðningi við nýsköpunarverkefni, aðstoð við frumkvöðla og nýsköpunarumhverfis í Stykkishólmi, ásamt leiðum til að skapa skapandi greinum í Stykkishólmi skilyrði til vaxtar til lengri tíma.

Loks er atvinnu- og nýsköpunarnefnd reiðubúin að móta tillögur að sóknarfærum í tengslum við störf án staðsetninga, þar með talið hvernig skapa megi bætta umgjörð og tækifæri í Stykkishólmi í því sambandi.

Lagt fram til kynningar.