Ársreikningur Sveitarfélagsins Stykkishólms 2023
Málsnúmer 2404042
Vakta málsnúmerBæjarráð - 21. fundur - 18.04.2024
Sigurjón endurskoðandi Kpmg og Gyða koma inn á fundinn.
Lagður fram ársreikningur sveitarfélagsins fyrir árið 2023.
Bæjarráð samþykkir að vísa ársreikningi Sveitarfélagsins Stykkishólms 2023 til fyrri umræðu í bæjarstjórn.
Sigurjón og Gyða véku af fundi.
Bæjarstjórn - 24. fundur - 24.04.2024
Haraldur Reynisson endurskoðandi hjá KPMG kom inn á fundinn.
Lagður fram ársreikningur sveitarfélagsins fyrir árið 2023. Bæjarráð samþykkti, á 21. fundi sínum, að vísa ársreikningi Sveitarfélagsins Stykkishólms 2023 til fyrri umræðu í bæjarstjórn.
Lagður fram til fyrri umræðu ársreikningur Sveitarfélagsins Stykkishólms og stofnana hans fyrir árið 2023. Ársreikningur Sveitarfélagsins Stykkishólms er gerður í samræmi við sveitarstjórnarlög, lög um ársreikninga og reglugerð um bókhald, fjárhagsáætlanir og ársreikninga sveitarfélaga og auglýsingar ráðuneytis sveitarstjórnarmála um reikningsskil sveitarfélaga. Bæjarstjóri gerir grein fyrir helstu atriði ársreiknings Sveitarfélagsins Stykkishólms fyrir árið 2023:
Rekstrartekjur samkvæmt ársreikningi fyrir A og B hluta námu 2.429 millj. kr. á árinu en þar af námu rekstrartekjur A hluta 2.196 millj. kr. Rekstrarniðurstaða fyrir fyrir afskriftir og fjármagnsliði var jákvæð um 283 millj. kr. og rekstrarniðurstaða án fjármunatekna og fjármagnsgjalda var jákvæð um 179 millj. kr. Rekstrarniðurstaða A og B hluta var hins vegar neikvæð um 40 millj. kr. en fjárhagsáætlun með viðaukum hafði gert ráð fyrir jákvæðri rekstrarniðurstöðu að fjárhæð 63 millj. kr. Skýrist það einna helst af tveimur frávíkum frá áætlun, annars vegar í fræðslumálum og hins vegar vegna viðbótarframlags í Brúar lífeyrissjóðs.
Rekstrartekjur A og B hluta jukust um 7% milli ára. Rekstrargjöld jukust um 6% milli ára og eru 8% hærri en áætlun með viðaukum hafði gert ráð fyrir.
Veltufé frá rekstri nam á árinu 2023 307 millj. kr. samanborið við 244 millj. kr. árið áður. Handbært fé í árslok nam 98 millj. kr. og lækkaði um 37 millj. kr. á árinu.
Fjárfestingahreyfingar A og B hluta á árinu 2023 námu 293 millj. kr. Lántökur á árinu námu 160 millj. kr. og afborganir langtímalána voru 219 millj. kr.
Skuldaviðmið A og B hluta Sveitarfélagsins Stykkishólmur í árslok 2023 var 104% en rekstrarjöfnuður A og B hluta síðastliðinna þriggja ára er neikvæður um 184 millj. kr. Fjárhagsáætlanir sveitarfélagsins gera ráð fyrir því að rekstrarjöfnuður nái jafnvægi í árslok 2025.
Í október 2023 ákvarðaði stjórn Brúar lífeyrissjóðs að viðbótarframlag yrði innheimt hjá launagreiðendum frá og með janúar 2024 vegna tiltekins hóps lífeyrisþega sem væri með tryggð réttindi hjá sjóðnum. Við þessa ákvörðun myndaðist skuldbinding sveitarfélagsins gagnvart þessum hópi lífeyrisþega hjá A deild Brúar lífeyrissjóðs. Nam skuldbindingin 46,9 millj. kr. og er hún gjaldfærð í rekstrarreikningi.
Áherslur bæjarstjórnar á árinu 2023 og á yfirstandandi ári er að skapa áfram eftirsóknarvert umhverfi fyrir fólk og fyrirtæki, standa vörð um grunnþjónustu sveitarfélagsins, sérstaklega um hag barna og fjölskyldna þeirra og eldra fólks, og sækja af ábyrgð fram með samfélagslega mikilvægum fjárfestingum innviða sem komi til með að skapa svigrúm til eflingar samfélagsins á svæðinu á sama tíma og stefnt er að því að tryggja að skuldaviðmið og skuldahlutföll séu að lækka markvisst á tímabilinu. Þessar áherslur og markmið bæjarstjórnar endurspeglast í fyrirliggjandi ársreikningi og samþykktum áætlunum, en það er alltaf áskorun frá degi til dags að tryggja að þessi markmið nái fram að ganga.
Áfram þarf að leggja áherslu á ábyrga fjármálastjórnun þar sem gætt er aðhalds og ábyrgðar í rekstri sveitarfélagsins á sama tíma og þjónusta við íbúa verði eins og best verður á kosið. Bæjarstjórn og stjórnendur sveitarfélagsins þurfa að vera og eru vakandi fyrir ákveðnum þáttum í rekstri sem endurspeglast í þessum ársreikningi.
Það þarf að huga að því og vinna markvisst að því að ná enn meira upp veltufé frá rekstri, sem þarf að standa undir afborgunum skulda og skuldbindinga líkt og endurspeglast í fyrirliggjandi ársreikningi, þannig að rekstur geti áfram staðið undir greiðslu skulda og nauðsynlegum fjárfestingum.
Helstu fjárfestingar 2023:
Fráveituframkvæmdir í Maðkavík 56 milljónir
Framkvæmdir við búseturéttaríbúðir 11,2 milljónir
Frágangur á lóð við Leikskóla 10,7 milljónir
Byrjun á endurbótum á Höfðaborg 12,2 milljónir
Gatnagerð,stíga og gangstéttir 48,2 milljónir
Framkvæmdir við Íþróttavöll 13,5 milljónir
Súgandisey framkvæmdir við handrið og stíg 7 milljónir
Grendargámar vegna sorpflokkunnar
5,5 milljónir
---
Bæjarstjórn samþykkir að vísa ársreikningi sveitarfélagsins til síðari umræðu í bæjarstjórn.
Til máls tóku:HH,JBSJ,HR og HG
Rekstrartekjur samkvæmt ársreikningi fyrir A og B hluta námu 2.429 millj. kr. á árinu en þar af námu rekstrartekjur A hluta 2.196 millj. kr. Rekstrarniðurstaða fyrir fyrir afskriftir og fjármagnsliði var jákvæð um 283 millj. kr. og rekstrarniðurstaða án fjármunatekna og fjármagnsgjalda var jákvæð um 179 millj. kr. Rekstrarniðurstaða A og B hluta var hins vegar neikvæð um 40 millj. kr. en fjárhagsáætlun með viðaukum hafði gert ráð fyrir jákvæðri rekstrarniðurstöðu að fjárhæð 63 millj. kr. Skýrist það einna helst af tveimur frávíkum frá áætlun, annars vegar í fræðslumálum og hins vegar vegna viðbótarframlags í Brúar lífeyrissjóðs.
Rekstrartekjur A og B hluta jukust um 7% milli ára. Rekstrargjöld jukust um 6% milli ára og eru 8% hærri en áætlun með viðaukum hafði gert ráð fyrir.
Veltufé frá rekstri nam á árinu 2023 307 millj. kr. samanborið við 244 millj. kr. árið áður. Handbært fé í árslok nam 98 millj. kr. og lækkaði um 37 millj. kr. á árinu.
Fjárfestingahreyfingar A og B hluta á árinu 2023 námu 293 millj. kr. Lántökur á árinu námu 160 millj. kr. og afborganir langtímalána voru 219 millj. kr.
Skuldaviðmið A og B hluta Sveitarfélagsins Stykkishólmur í árslok 2023 var 104% en rekstrarjöfnuður A og B hluta síðastliðinna þriggja ára er neikvæður um 184 millj. kr. Fjárhagsáætlanir sveitarfélagsins gera ráð fyrir því að rekstrarjöfnuður nái jafnvægi í árslok 2025.
Í október 2023 ákvarðaði stjórn Brúar lífeyrissjóðs að viðbótarframlag yrði innheimt hjá launagreiðendum frá og með janúar 2024 vegna tiltekins hóps lífeyrisþega sem væri með tryggð réttindi hjá sjóðnum. Við þessa ákvörðun myndaðist skuldbinding sveitarfélagsins gagnvart þessum hópi lífeyrisþega hjá A deild Brúar lífeyrissjóðs. Nam skuldbindingin 46,9 millj. kr. og er hún gjaldfærð í rekstrarreikningi.
Áherslur bæjarstjórnar á árinu 2023 og á yfirstandandi ári er að skapa áfram eftirsóknarvert umhverfi fyrir fólk og fyrirtæki, standa vörð um grunnþjónustu sveitarfélagsins, sérstaklega um hag barna og fjölskyldna þeirra og eldra fólks, og sækja af ábyrgð fram með samfélagslega mikilvægum fjárfestingum innviða sem komi til með að skapa svigrúm til eflingar samfélagsins á svæðinu á sama tíma og stefnt er að því að tryggja að skuldaviðmið og skuldahlutföll séu að lækka markvisst á tímabilinu. Þessar áherslur og markmið bæjarstjórnar endurspeglast í fyrirliggjandi ársreikningi og samþykktum áætlunum, en það er alltaf áskorun frá degi til dags að tryggja að þessi markmið nái fram að ganga.
Áfram þarf að leggja áherslu á ábyrga fjármálastjórnun þar sem gætt er aðhalds og ábyrgðar í rekstri sveitarfélagsins á sama tíma og þjónusta við íbúa verði eins og best verður á kosið. Bæjarstjórn og stjórnendur sveitarfélagsins þurfa að vera og eru vakandi fyrir ákveðnum þáttum í rekstri sem endurspeglast í þessum ársreikningi.
Það þarf að huga að því og vinna markvisst að því að ná enn meira upp veltufé frá rekstri, sem þarf að standa undir afborgunum skulda og skuldbindinga líkt og endurspeglast í fyrirliggjandi ársreikningi, þannig að rekstur geti áfram staðið undir greiðslu skulda og nauðsynlegum fjárfestingum.
Helstu fjárfestingar 2023:
Fráveituframkvæmdir í Maðkavík 56 milljónir
Framkvæmdir við búseturéttaríbúðir 11,2 milljónir
Frágangur á lóð við Leikskóla 10,7 milljónir
Byrjun á endurbótum á Höfðaborg 12,2 milljónir
Gatnagerð,stíga og gangstéttir 48,2 milljónir
Framkvæmdir við Íþróttavöll 13,5 milljónir
Súgandisey framkvæmdir við handrið og stíg 7 milljónir
Grendargámar vegna sorpflokkunnar
5,5 milljónir
---
Bæjarstjórn samþykkir að vísa ársreikningi sveitarfélagsins til síðari umræðu í bæjarstjórn.
Til máls tóku:HH,JBSJ,HR og HG
Haraldur vék af fundi.