Bæjarráð

Lögð fram fundargerð 34. afgreiðslufundar byggingarfulltrúa.

Lögð fram fundargerð 21. fundar skipulagsnefndar.

Lögð fram 6. fundargerð hafnarstjórnar.

Lögð fram 13. fundargerð skóla- og fræðslunefndar.

Lögð fram 4. fundargerð stjórnar Náttúrustofu Vesturlands.

Lagðar fram styrkumsóknir sem bárust bæjarstjórn á auglýstum tíma.

Embætti Sýslumannsins á Vesturlandi óskar eftir umsögn sveitarfélagsins vegna umsóknar Hafnargötu ehf. um rekstrarleyfi til reksturs gististaðar í flokki II, íbúðir, sem rekinn verður sem Verbúð að Reitarvegi 8 í Stykkishólmui.

Lögð fram umsókn um námvist utan lögheimilissveitarfélags ásamt rökstuðningi.

Bæjarstjórn samþykkti, á 20. fundi sínum, að fara í samstarf í formi leiðandi sveitarfélags um barnaverndarþjónustu, sbr. barnaverndarlög nr. 80/2002, á Vesturlandi þar sem Borgarbyggð mun taka að sér að vera leiðandi sveitarfélag. Bæjarstjórn samþykkti einnig að fela bæjarstjóra að útfæra nánar fyrirliggjandi drög að viðauka/samningi um samstarf sveitarfélaganna í samráði við sveitarstjóra annarra sveitarfélaga sem einnig hafa samþykkt umrætt samstarf. Bæjarstjóra var falið að undirrita viðaukann/samninginn að lokinni þeirri vinnu og leggja fyrir sveitarstjórn til síðari umræðu til staðfestingar.

Bæjarráð lagði til við bæjarstjórn á 20. fundi sínum að samþykkt um stjórn sveitarfélagsins verði breytt í samræmi við nýju þátttöku sveitarfélagsins um barnaverndarmál. Með vísan til afgreiðslu bæjarráðs er lögð fram til fyrri umræðu tillaga um breytingu á samþykkt um stjórn Sveitarfélagsins Stykkishólms sem felur í sér viðauka við samþykktina í tengslum við samstarf um barnaverndarþjónustu, þar á meðal framsal á valdi í barnaverndarþjónustu frá sveitarfélaginu til Borgarbyggðar.



Bæjarstjórn samþykkir að vísa tillögu að breytingu á samþykkt um stjórn Sveitarfélagsins Stykkishólms til síðari umræðu í bæjarstjórn.

Lagt fram erindi frá Aftanskin þar sem félagið óskar eftir styrk í rútuferð.

Lögð fram tilkynning frá óbyggðanefnd um málsmeðferð vegna eyja og skerja.

Lögð fram drög að nýjum samningi um Vatnasafn ásamt tillögu bæjarstjóra að skipun vinnuhóps um framtíðaáform Vatnasafns.

Lagt fram erindi frá Sýslumanninum á Vestulandi sem óskar eftir umsögn sveitarfélagsins um uppfærða umsókn Glapræðis ehf. um tækifærisleyfi til áfengisveitinga vegna Tónlistarhátíðar sem halda á í Íþróttamiðstöð Stykkishólms, Borgarbraut 4, 340 Stykkishólmi 6. - 9. Júní 2024. upphaflegt leyfi var veitt fyrir 600 gestum en Glapræði óskar nú eftir leyfir fyrior 800 manns.

Bæjarstjóri Stykkishólmsbæjar lagði til á 608. fundi bæjarráðs að unnin verði Íþróttastefna Stykkishólmsbæjar eða eftir atvikum verði leitað samstarfs við HSH og sveitarfélaganna á Snæfellsnesi um sameiginlega stefnu í þessum efnum. Bæjarráð vísaði tillögunni til umfjöllunar og umsagnar í æskulýðs- og íþróttanefnd sem lagði til á 78. fundi sínum að leitað yrði eftir samstarfi við HSH og sveitafélögin á Snæfellsnesi um sameiginlega íþróttastefnu.



Með sameiginlegri íþróttastefnu, hvort sem hún verði sameiginleg stefna sveitarfélaga á Snæfellsnesi eða sameiginleg stefna með íþróttahreyfingunni á Snæfellsnesi, er m.a. verið að stefna að því vinna í samræmi við markmið og aðgerðir sem fram koma í stefnumótun mennta- og menningarmálaráðuneytisins í íþróttamálum 2019-2030, en með sameiginlegri stefnu er jafnframt tilgangurinn að auka samvinnu og samstarf á sviði íþróttamála á Snæfellsnesi.



Bæjarráð fól bæjarstjóra og tómstunda- og æskulýðsfulltrúa Stykkishólmsbæjar að kanna áhuga sveitarfélaga á Snæfellsnesi og HSH um sameiginlega íþróttastefnu Snæfellinga. Í svarbréfum annarra sveitarfélaga á Snæfellsnesi var ljóst að ekki var sátt um að móta slíka sameiginlega stefnu.



Æskulýðs- og íþróttanefnd lagði því til, á 83. fundi sínum, að hafist verði handa við að vinna að íþrótta- og tómstundastefnu með aðgerðaráætlun. Þar var lagt upp með að tómstunda- og æskulýðsfulltrúi muni vinna að drögum að íþrótta- og tómstundastefnu í samstarfi við nefndina á grunni stefnumótunar mennta- og menningarmálaráðuneytis í íþróttamálum. Bæjarstjórn Stykkishólmsbæjar samþykkti á 411. fundi sínum að æskulýðs- og tómstundafulltrúi vinni íþróttastefnu Stykkishólmsbæjar í samvinnu við æskulýðs- og íþróttanefnd.



Lögð fram tillaga bæjarstjóra að skipun starfshóps í samræmi við umræður bæjarfulltrúa með UMF Snæfells, ásamt drögum að erindisbréfi, sem byggð er á forsögu málsins.

Á 23. fundi bæjarstjórnar lagði Íbúalistinn áherslu á að eftir afgreiðslu ársreiknings ár hvert, verði í framhaldi haldinn opinn kynningarfundur fyrir íbúa sveitarfélagsins þar sem gerð verði grein fyrir niðurstöðu reikninganna og hvernig niðurstaðan er miðað við upphaflega fjárhagsáætlun ársins. Einnig verði gerð grein fyrir þeim viðaukum sem samþykktir hafa verið í bæjarstjórn.

Skipulagsnefnd tók, á 20. fundi sínum, jákvætt í fyrirliggjandi tillögur að deiliskipulagi fyrir Agustsonreit og óskuðu eftir að fulltrúar verkefnisins komi til fundar við nefndina til að taka opið samtal um áhrif umræddra breytinga á forsendur lóðarhafa og umhverfi. Bæjarráð staðfesti afgreiðslu skipulagsnefndar á 20. fundi sínum. Tillögurnar voru lagðar fyrir á 6. fundi hafnarstjórnar sem fagnaði fyrirliggjandi hugmyndum og tillögum og hvatti lóðarhafa til dáða í verkefninu framundan enda komi verkefnið til með að hafa jákvæð áhrif á umhverfi og ásýnd Stykkishólmshafnar.



Fulltrúar lóðarhafa koma til fundar við skipulagsnefnd og gerðu grein fyrir stöðu málsins á 21. fundi nefndarinnar. Skipulagsnefnd þakkaði fulltrúum lóðarhafa fyrir að koma á fund nefndarinnar og svara spurningum. Skipulagsnefnd taldi að vinna megi áfram með upphaflega tillögu á hótelreitnum en telur jafnframt að halda megi inni breytingum sem snúa að Smiðjustíg. Einnig telur nefndin að fækka megi smáhýsum við Súgandiseyjargötu eftir að búið er að þjappa þeim saman til þess að minnka ásýnd þeirra frá Aðalgötu. Skipulagsnefnd taldi jafnframt að það geti hjálpað verkefninu ef hægt væri að sýna hæðarlínur miðað við byggingar beggja vegna lóðarinnar ásamt því að sýna mænishæð á þeim þökum sem snúa að Aðalgötu á KST reitnum.

Lögð fram umsókn Guðmundar Rúnars Hallgerðarsonar um stöðuleyfir fyrir fish and chips söluvagn á hafnarsvæði. Hafnarstjórn gerði á 6. fundi sínum, ekki athugasemd við umsóknina. Skipulagsnefnd gerði, á 21. fundi sínum, fyrir sitt leyti ekki athugasemd umsóknina.

Lögð fram umsókn Guðmundar Rúnars Hallgerðarsonar um stöðuleyfi fyrir vinnuskúr á hafnarsvæði. Á 6. fundi sínum gat hafnarstjórn ekki fallist á að vinnuskúr sé staðsettur á umræddum stað og veitti því fyrir sitt leyti neikvæða umsögn um stöðuleyfið. Skipulagsnefnd tók, á 21. fundi sínum, undir afgreiðslu hafnarstjórnar.

Lögð fram umsókn Guðmundar Rúnars Hallgerðarsonar um stöðuleyfi fyrir ískofa á hafnarsvæði. Hafnarstjórn gerði á 6. fundi sínum, ekki athugasemd við umsóknina. Skipulagsnefnd gerði, á 21. fundi sínum, fyrir sitt leyti ekki athugasemd við umsóknina.

Lögð fram vinnslutillaga að breytingu á Aðalskipulagi Stykkishólms 2002-2024 og drög að vinnslutillögu deiliskipulags fyrir Kallhamar og Hamraenda. Skipulagsnefnd fól, á 20. fundi sínum, bæjarstjóra að koma áherslum sínum á framfæri við skipulagshönnuð og vísaði málinu til frekari vinnslu í nefndinni.



Skipulagshönnuður kom til fundar við skipulagsnefnd í tengslum við vinnu skipulagsáætlana á 21. fundi nefndarinnar. Skipulagsnefnd þakkaði skipulaghönnuði fyrir kynninguna á stöðu málsins og hvatti til þess að markvisst sé unnið að á komandi vikum í samræmi við áherslur á fundinum þannig að kynna megi vinnslutillögu skipulagsins í júní nk. Skipulagsnefnd lagði til við bæjarráð að tillaga bæjarstjóra um að sveitarfélagið aug­lýsi opinberlega eftir fyr­ir­tækj­um sem eru áhuga­söm eru um að staðsetja sig Kallhömrum og Hamraendum, sem áform eru um að gera á bygg­ing­ar­hæf í áföng­um, með það að markmiði að fanga betur hvers konar fyrirtæki hafi áhuga á því að staðsetja sig á skipulagssvæðinu, hversu stórar lóðir þau þurfa og hversu mikið þau gætu hugsað sér að byggja, til viðbótar við þau tvö fyrirtæki sem þegar hafa lýst yfir áhuga til uppbygginagr á svæðinu verði samþykkt.

Lögð fram vinnslutillaga að breytingu á aðalskipulagi við Birkilund, en skipulagslýsing var kynnt skv. 1. mgr. 30. gr. skipulagslaga frá 14. febrúar til 13. mars 2024 í skipulagsgátt.



Fyrirhuguð breyting tekur Birkilunds í landi Saura. Skipulagssvæðið er nú þegar að mestu byggt frístunda- og íbúðarhúsum en með breytingunni verður landnotkun á hluta svæðisins breytt úr frístundabyggð og landbúnaði í verslunar- og þjónustusvæði fyrir útleiguhús, svæði fyrir íbúðarbyggð stækkað um 3,8 ha og landbúnaðarsvæði minnkað sem því nemur. Samhliða tillögu að aðalskipulagsbreytingu verður unnin tillaga að nýju deiliskipulagi fyrir Birkilund.



Skipulagsnefnd tók á 20. fundi sínum jákvætt í að skoða stækkun á íbúðarsvæði í vegna aðalskipulagsbreytinga við Birkilund, sem nái þá til lóðar 44. Skiplagsnefnd vísaði að öðru leyti athugasemdum til yfirferðar og vinnslu hjá hönnuði þannig að taka megi tillit til þeirra, eftir atvikum, í endanlegri tillögugerð að aðalskipulagsbreytingu.



Á 21. fundi sínum óskaði skipulagsnefnd eftir því, í samræmi við áherslur nefndarinnar á síðasta fundi, að landnotkun á lóð 44. verði breytt á aðalskipulagsuppdrætti úr frístundalóð í íbúðarlóð, til samræmis við óskir lóðarhafa, sé þess nokkur kostur og tefji það ekki málið, enda mun að öðrum kosti umrædd lóð standa stök sem frístundalóð og að mati nefndarinnar fer betur á því að íbúðarsvæðið skapi heildstæðari mynd með umræddi lóð sem íbúðalóð. Skipulagsnefnd lagði til við bæjarstjórn að samþykkja framlagða tillögðu að breytingu á aðalskipulagi sveitarfélagsins vegna Birkilundar til kynningar á vinnslustigi í samræmi við 30. gr. skipulagslaga nr. 123/2010, eftir atvikum með framangreindri breytingu.

Lögð fram tillaga að nýju deiliskipulagi fyrir Birkilund.



Í gildi er deiliskipulag fyrir Birkilund frá 1984, sem tók gildi árið 1987. Samkvæmt því er gert ráð fyrir 44 lóðum frir frístundahús en engir skilmálar fylgja því skipulagi. Árið 2002 var unnin breytingartillaga á deiliskipulaginu sem fól í sér heildarendurskoðun og fjölgun lóða. Tillagan var auglýst og samþykkt í sveitarstjórn en tók aldrei lögformlega gildi þar sem hún var ekki auglýst í B-deild Stjórnartíðinda. Árið 2006 var að nýju unnin tillaga að deiliskipulagsbreytingu sem byggði á tillögunni frá 2002. Í þeirri tillögu var frístundabyggðin stækkuð um tæpa 5 hektara, íbúðarlóðum fjölgað um tvær og 11 frístundarlóðum breytt í íbúðarlóðir. Jafnframt voru byggingarreitir skilgreindir og skilmálar uppfærðir. Þó svo að sú tillaga hafi verið notuð til grundvallar veitingu byggingarleyfa í gegnum tíðina öðlaðist hún aldrei lögformlegt gildi. Markmið deiliskipulagsins er að setja fram skilmála og hnitfesta uppdrátt sem er í samræmi við reglugerðir og lög á grunni þeirra skipulagsáætlana sem unnar hafa verið, en deiliskipulagið byggir þó að mestu leyti á deiliskipulagstillögunni frá 2006.



Innan deiliskipulagssvæðisins eru skilgreindar 40 frístundalóðir sem eru nú þegar stofnaða, nema Birkilundur 16a, og búið að byggja á sumum lóðum. Á norðanverðu svæðinu eru skilgreindar 15 íbúðarlóðir sem eru nú þegar stofnaðar og byggðar, allar nema Birkilundur 35, 40a, 50a og 50b. Einnig er gert ráð fyrir stórri lóð fyrir útileguhús að austanverðu skipulagssvæðisins. Lóðirnar eru á bilinu 3025 m2 til 27.249 m2 að stærð, en flestar eru um 5000 m2.



Á 21. fundi sínum taldi skipulagsnefnd, á grunni 3. mgr. 40. gr. skipulagslega, ekki forsendur til gerðar sérstakrar skipulagslýsingar vegna fyrirhugaðs deiliskipulags og lagði því til við bæjarstjórn að samþykkja fyrirliggjandi deiliskipulagstillögu til kynningar og umsagna á vinnslustigi í samræmi við 4. mgr. 40. gr. skipulagslaga nr. 123/2010, eftir atvikum með áorðnum breytingum á aðalskipulagstillögu.

Lögð fram tillaga að breytingu á aðalskipulagi, ásamt umhverfisskýrslu og viðbrögðum við athugasemdum, en tillagan var kynnt á vinnslustigi skv. 2. mgr. 30. gr. skipulagslaga frá 1. mars til 15. mars 2024 í skipulagsgátt.



Aðalskipulagsbreytingin felst í breytingu á landnotkun úr frístundabyggð og landbúnaðarlandi í frístundabyggð, íbúðarbyggð og verslun og þjónustu og færslu á mörkum landnotkunarreita samkvæmt því.



Skipulagsnefnd lagði, á 21. fundi sínum, til við bæjarstjórn að framlögð tillaga að breytingu á aðalskipulagi sveitarfélagsins vegna Vigraholts verði samþykkt í samræmi við 1. mgr. 36. gr. skipulagslaga nr. 123/2010 og að tillagan verði auglýst skv. 1. mgr. 31 sömu laga að undangenginni samþykkt Skipulagsstofnunar.

Lagður fram til afgreiðslu á vinnslustigi deiliskipulagsuppdráttur ásamt deiliskipulagsgreinargerð, skýringaruppdrætti deiliskipulags og umhversisskýrslu, en skipulagslýsing var kynnt frá 7. nóvember til 5. desember 2023 í skipulagsgátt.



Meginmarkmið nýs deiliskipulags er að þróa frístundabyggð með tilheyrandi þjónustu og íbúðarhúsnæði fyrir starfsfólk. Á skipulagssvæðinu er gert ráð fyrir allt að 33 frístundahúsum, 10 íbúðarhúsum, hóteli með baðlóni, veitingahúsi og handverks brugghússi. Frístandandi hótelherbergi verða í smáhýsum á

þjónustusvæði tengdu hótelinu.



Skipulagsnefnd lagði, á 21. fundi sínum, til við bæjarstjórn að samþykkja deiliskipulagstillögu til kynningar og umsagna í samræmi við 40. gr. skipulagslaga nr. 123/2010. Nefndin fól skipulagsfulltrúa umboð til að gera minniháttar breytingar á tillögunni til að koma til móts við mögulegar umsagnir á vinnslustigi og í framhaldinu að auglýsa deiliskipulagstillöguna í samræmi við 41. gr skipulagslaga nr. 123/2010 samhliða aðalskipulagsbreytingunni, en ef veigamiklar efnislegar athugasemdir verði gerðar við tillöguna á vinnslustigi að mati skipulagsfulltrúa, sem kallar á verulegar breytingar á tillögunni, skal hún lögð að nýju til afgreiðslu í skipulagsnefnd áður en tillagan er auglýst.

Lögð fram umsókn um byggingarleyfi fyrir 523 m2 frístundarhúsi á einni hæð og kjallara í landi Jónsness í eyju eða hólma sem kallast Nónnes.



Húsið verður á staðsteyptum sökklum burðargrind veggja og þaks verður timbur. Klætt að utan með timburklæðningu.



Þar sem ekki liggur fyrir deiliskipulag fyrir svæðið, vísaði byggingarfulltrúi erindinu til skipulagsnefndar.



Skipulagsnefnd tók, á 21. fundi sínum, jákvætt í fyrirliggjandi byggingaráform en sá sér ekki fært á þessum tímapunkti að veita jákvætt vilyrði fyrir samþykkt byggingarleyfis enda bera teikningar með sér að gera þurfi grein fyrir nýrri aðkomuleið upp í eyjuna sem og öðrum nauðsynlegum upplýsingum. Bendir nefndin m.a. á að samkvæmt gr. 5.3.2.14 í skipulagsreglugerð skal ekki reisa mannvirki, á svæðum utan þéttbýlis, nær vötnum, ám eða sjó en 50 metra og því þarf að aðlaga staðsetningu byggngarreits á eyjunni til samræmis við ákvæðið. Skipulagsnefnd tekur hins vegar jákvætt í það að veita landeiganda heimild til skipulagsgerðar skv. 2. mgr. 38. gr. skipulagslega. Á þeim grunni hvetur skipulagsnefnd landeiganda til þess að óska eftir því við sveitarfélagið að hann fái heimild til þess að vinna sjálfur að gerð deiliskipulags í landi Jónsness, en í því felst að landeigandi skal þá taka saman lýsingu á skipulagsverkefninu, sbr. 1. mgr. 40. gr. skipulagslaga, og skal hún vera lögð fyrir skipulagsnefnd á sama tíma og beiðni um heimild til að vinna tillögu að deiliskipulagi. Skoða þarf sérstaklega hvort umrætt deiliskipulag með fyrirhugðum áformum kalli á aðalskipulagsbreytingu.

Lögð fram til umræðu drög að skipulagsuppdrætti fyrir Hóla 5a, ásamt öðrum gögnum málsins.



Þá er lögð fram skipulagslýsing fyrir breytingu á Aðalskipulagi Helgafellssveitar 2012-2024 vegna breyttrar landnotkunar á hluta Hóla 5a í landi Hóla.



Fyrirhuguð aðalskipulagsbreyting tekur til Hóla 5A sem er um 3,2 ha svæði sem var stofnað úr landi Hóla og felst í breytingu á landbúnaðsvæði í frístunda og íbúðasvæði. Samhliða fyrirhugaðri aðalskipulagsbreytingu verður unnið nýtt deiliskipulag fyrir Hóla 5a. Lóðin Hólar 5A liggur norð-vestan við húsakost jarðarinnar Hóla. Lóðin er skilgreind sem landbúnaðarland en stór hluti Hóla 5A þykir ekki góður til ræktunar þar sem klöpp stendur víða uppúr landinu.



Á Hólum 5A er er fyrirhugað að reisa 3 sumarhús allt að 140 m2 hvert hús og 1 einbýlishús allt að 250 m2 að stærð. Í deiliskipulagi fyrir svæðið verður gert ráð fyrir 4 lóðum.



Skipulagsnefnd tók, á 21. fundi sínum, jákvætt í fyrirliggjandi drög að deiliskipulagsuppdrætti. Skipulagsnefnd samþykkti samhljóða að leggja til við bæjarstjórn að auglýsa skipulagslýsingu vegna breytingar á Aðalskipulagi Helgafellssveitar 2012-2024 í samræmi við 1. mgr. 30. gr. skipulagslaga nr. 123/2010.

Lögð fram umsókn um stöðuleyfi fyrir 15fm bjálkahúsi á Hólum 5A. Skipulagsnefnd geriði, á 21. fundi sínum, ekki athugasemdir við fyrirhugað stöðuleyfi og vísaði málinu til vinnslu og afgreiðslu hjá byggingarfulltrúa.

Á 22. fundi bæjarstjórnar var samþykkt að staða skólastjóra verði auglýst og sama fyrirkomulag verði viðhaft og síðast varðandi ráðningaferli. Starfið var auglýst frá 15. mars til 3. apríl 2024. Bárust tvær umsóknir um stöðu skólastjóra.



Fyrir bæjarráð er lagt fram minnisblað frá Attentus þar sem lögð er fram tillaga að uppfærðri nálgun á ráðningaferli skólastjóra með það að markmiði að tryggja faglegt, sanngjarnt, gagnsætt og skipulagt ráðningarferli gagnvart báðum umsækjendum.

Lagður fram ársreikningur sveitarfélagsins fyrir árið 2023.

Lögð fram tilboð og tillögur frá Parka lausnum og Green parking, að útfærslum á gjaldtöku fyrir bílastæði á hafnarsvæðinu í Stykkishólmi. Fulltrúar fyrirtækjana komu til fundar við bæjarráð, á 20. fundi, og gerðu grein fyrir tillögum sínum. Málið var lagt fyrir á 6. fundi hafnarstjórnar. Bæjarráð vísaði málinu til frekari vinnslu í bæjarráði. Lögð er fram uppfærð gögn frá Green parking.

Lögð fram fundargerð 946. fundar stjórnar sambandsins frá 15. mars 2024.

Lögð farm fundargerð stjórnarfundar Jeratúns ásamt ársreikning.

Lagt fram bréf vegna úttektar á starfsemi og framtíðarfyrirkomulagi náttúrustofa frá umhverfis-, orku- og loftslagsráðuneyti og Sambandi íslenskra sveitarfélaga.

Lagt fram erindi frá Ingvari Víkingssyni vegna framtíðarhugmynda fyrir Ljósmyndasafn Stykkishólms. Bæjarráð óskaði eftir því á 20. fundi sínum að að Ingvar kæmi til fundar við ráðið og gerði frekari grein erindinu.