Safna- og menningarmálanefnd

26.-28. október 2018. Venjan er að framkvæmdanefnd um hátíðina sé skipuð af Safna og menningarmálanefnd þar sem starfsfólk safna og tónlistarskóla hafa komið að starfinu og leitt. Starfsmaður undanfarnar hátíðir hefur verið Þórunn Sigþórsdóttir. Rætt var um tilgang hátíðarinnar en hátíðin er menningarhátíð haldin á tveggja ára fresti að hausti. Saga hátíðarinnar rifjuð lauslega upp. Áherslur hafa verið ólíkar á milli ára. Dagskráin var skoðuð lauslega á fundinum en stuttur tími er til stefnu nú.

Rætt um að skipa þyrfti í undirbúningsnefnd og tillaga formanns Safna- og menningarmálanefndar um eftirfarandi aðila: Hjördísi Pálsdóttur, Sigurð Grétar Jónasson, Nanna Jónsdóttir og Jóhanna Sesselja Jónsdóttir sem fulltrúi Safna- og menningarmálanefndar. Leitað verði til Þórunnar Sigþórsdóttur um að verða starfsmaður hátíðarinnar. Nefndarmenn voru sammála um að formaður myndi kalla eftir skýrlsum um undanfarnar hátíðir og einnig var það rætt að taka ætti saman efni um tilgang hátíðarinnar fyrir komandi ár, einhverskonar rammi smíðaður. Safna- og Menningarmálanefndin aðstoði á hátíðinni við yfirsetur á sýningum o.þ.h.

Næsti fundur fari í að skoða safnamálin ítarlega. Samningurinn um Eldfjallasafnið var nýlega framlengdur um 1 ár en hann á eftir að samþykkja í bæjarstjórn.
Starfsmannamál: Hjördís Pálsdóttir komin með yfirumsjón með öllum söfnunum að Amtsbókasafninu undanskildu. Filip Polách hættur og Sigurður Grétar Jónasson hefur ráðinn sem heilssárs-starfsmaður í söfnunum með aðaláherslu á Eldfjallasafn. Eva Luzie Synowsky jarðfræðingur starfar nú á Eldfjallasafninu.
Lagt er til að Hjördís komi á næsta fund til að fræða nefndina um starfsemi sumarsins. DH óskar eftir skoðun á málefnum Vatnasafnsins. Þar þurfi manneskju í Vatnasafnið svo það njóti sín.
Rætt um hlutverk nefndarinnar gagnvart söfnunum og stjórnir þeirra. Óskað er eftir því að formaður leiti upplýsinga um þau mál hjá Stykkishólmsbæ. Samþykkt að að formaður sendi erindisbréf á nefndarfólk.