Skipulagsnefnd

Davíð K. Pitt, arkitekt kynnir fyrirhugaða uppbyggingu á Agustsonreit þar sem nú eru Tang og Riis, Aðalgötu 1, frystihús Agustson, Austurgötu 1, og KST, Austurgötu 2.



Lögð er fram skipulagslýsing vegna tillögu að breytingu á Aðalskipulagi Stykkishólms 2002-2022 í samræmi við 36. gr. skipulagslaga nr. 123/2010 með vísun í 30. .gr. laganna og nýs deiliskipulags fyrir reitinn í samræmi við 1. mgr. 40. gr.laganna ásamt breytingu á mörkum deiliskipulags fyrir miðbæ, austan Aðalgötu.



Í gildandi aðalskipulagi er reiturinn skilgreindur sem athafnasvæði. Fyrirhuguð skipulagsbreyting gerir ráð fyrir að reiturinn verði skilgreindur sem verslun og þjónusta. Ekki er til deiliskipulag sem tekur til Aðalgötu 1 og Austurgötu 1 en Austurgata 2 er innan deiliskipulags miðbæjar austan Aðalgötu.

Kynning og umræður um gildandi deiliskipulag m.t.t. framtíðarmöguleika svæðisins.