Staða ritara í Grunnskólanum í Stykkishólmi laus

Staða ritara í Grunnskólanum í Stykkishólmi er laus til umsóknar.

Ritari vinnur náið með stjórnendateymi skólans og er virkur þátttakandi í skólastarfinu. Starf hans er fjölbreytt. Um er að ræða almenn skrifstofustörf en einnig samskipti við nemendur og foreldra ásamt nánu samstarfi við allt starfsfólk skólans. Ritari ber ábyrgð á að vel sé tekið á móti erindum á skrifstofu skólans og að reynt sé að greiða götu þeirra sem þangað leita. Hann tekur virkan þátt í því að vinna að velferð og vellíðan nemenda.

Helstu verkefni

• Almenn skrifstofustörf fyrir grunn- & tónlistarskóla
• Eftirlit með reikningum
• Umsjón með innkaupum fyrir grunn- & tónlistarskóla
• Almenn skjalavarsla
• Móttaka fjarvistartilkynninga og að hringja heim í samráði við kennara
• Skipulag forfalla
• Umsjón með nemendabókhaldi í Mentor
• Tengiliður grunn- & tónlistarskóla við umsjónarmann fasteigna
• Ýmis ritarastörf fyrir stjórnendur
• Heldur utan um heimasíðu grunn- & tónlistarskóla
• Tekur þátt í undirbúnings- & frágangsvinnu við upphaf og lok skólaárs.
• Annast sjúkrakassa og skráningu slysa, í samráði við starfsmenn.
• Önnur þau verkefni sem starfsmanni kunna að vera falin af yfirmanni og falla innan eðlilegs starfssviðs hans.

Menntunar & hæfniskröfur

• Góð menntun sem nýtist í starfi er æskileg
• Sjálfstæði og frumkvæði í vinnubrögðum
• Jákvæðni og sveigjanleiki í samskiptum
• Frumkvæði í starfi og faglegu metnaður
• Góð færni í tölvunotkun
• Góð íslenskukunnátta og færni til að tjá sig í ræðu og riti
• Áhugi á að vinna með börnum
• Ábyrgð og stundvísi

Áhugasamir einstaklingar, óháð kyni, eru hvattir til að sækja um.
Umsóknarfrestur er til og með 28. apríl 2025 en ráðið er í stöðuna frá 1. ágúst 2025

Senda skal umsóknir á thora.magga@stykk.is
Laun skv. kjarasamningi Kjalar og Sambands íslenskra sveitarfélaga.