Staða vaktstjóra í Íþróttamiðstöð Stykkishólms laus til umsóknar
Sveitarfélagið Stykkishólmur óskar eftir að ráða vaktstjóra (karl) í Íþróttamiðstöð Stykkishólms. Um er að ræða framtíðarstarf og æskilegt að umsækjandi geti hafið störf 29. desember.
Vaktstjóri er yfirmaður á vaktinni og hefur umsjón með daglegum störfum starfsfólks og stýrir verkskiptingu. Vaktstjóri er leiðbeinandi og veitir starfsfólki leiðsögn og/eða tilsögn um framkvæmd vinnunnar. Vaktstjóri stuðlar að góðum samskiptum og upplýsingaflæði á vinnustaðnum og á í samskiptum við Íþrótta- og tómstundafulltrúa.
Starfssvið
- Öryggisvarsla við sundlaug og sundlaugarsvæði
- Afgreiðsla, önnur þjónusta og þrif
- Dagleg stjórn í húsinu
- Hefur eftirlit með afgreiðslu og aðgangskerfi ásamt skiptimynt og uppgjöri
- Sér um innkaup í samráði við forstöðumann
- Skipuleggur og hefur yfirsýn með verkaskiptingu innan vaktar sem og afleysingar vegna fjarvista/veikinda
- Eftirlit með þrifum og framfylgja að þrifum sé vel sinnt
- Móttaka og þjálfun nýs starfsfólks á vakt samkvæmt verkferlum(þjálfunaráætlun).
- Skipuleggur vaktfundi og neyðaræfingar eftir þörfum.
- Framkvæmd og eftirlit með öryggismálum, upplýsingar um öryggismál til starfsfólks.
- Ber ábyrgð á að unnið sé samkvæmt starfs- og verklýsingum og umgengnisreglum.
Hæfniskröfur
- Góð almenn menntun sem nýtist í starfi.
- Þjónustulund
- Hæfni í mannlegum samskiptum
- Gott vald á íslensku máli og kunnátta í ensku æskileg
- Skipulagshæfileikar
- Frumkvæði og sjálfstæð vinnubrögð
- Almenn tölvukunnátta skilyrði
- Umsækjendur þurfa að standast árlega sundpróf laugarvarða
- Hreint sakavottorð
Launakjör eru samkvæmt kjarasamningi Sambands ísl. Sveitarfélaga og Kjalar. Fyrirspurnir um nánari upplýsingar sendist á netfang magnus@stykkisholmur.is.
Hægt er að sækja um starfið á íbúagátt Stykkishólms.
Umsóknarfrestur er til 29. september 2025. Öllum umsóknum verður svarað.
