Friðargöngu frestað

Í Stykkishólmi er hefð fyrir friðargöngu á Þorláksmessu en vegna slæmrar veðurspár hefur verið ákveðið að fresta göngunni. Stefnt er að því að ganga friðargöngu á þrettándanum þess í stað, áður en kveikt verður í þrettándabrennunni.

Nemendur níunda bekkjar hafa undanfarin ár veitt viðurkenningu fyrir best skreytta húsið að lokinni friðargöngu á Þorláksmessu en tilkynnt verður um valið á þrettándanum að þessu sinni.

Nánari upplýsingar þegar nær dregur.