Hræðileg helgi í Hólminum
Helgina 13.-14. febrúar verður mikið um að vera í Stykkishólmi þegar fram fer Hræðileg helgi í Hólminum. Félag atvinnulífs í Stykkishólmi stendur fyrir glæpa- og draugahátíðinni Hræðileg helgi.
Dagskrá hátíðarinnar er þétt en meðal annars geta gestir hátíðarinnar spreytt sig á morðgátu yfir helgina. Mikið púður hefur verið lagt í morðgátuna en í Tónlistarskóla Stykkishólms verður opinn vettvangur glæps þar sem rannsakendur geta spreytt sig á því að leysa morðgátu. Hræðileg helgi í Hólminum hefur vakið mikla lukku undanfarin ár. Dagskráin í ár er yfirgripsmikil og þar ættu flestir að finna eitthvað við sitt hæfi. Hægt er að kynna sér dagskrá hátíðarinnar á baksíðu blaðsins.
Dagskrá er eftirfarandi.
FÖSTUDAGUR 13. FEBRÚAR
Kl. 14:00-17:00 Amtsbókasafnið
Hræðilegur ratleikur fyrir börn.
Kl. 16:00 - 17:00 Norska húsið
Barnadraugahús.
Kl. 17:00 Tónlistarskólinn í Stykkishólmi
Morðgáta.
Morðgátu vettvangur verður opin:
- Föstudag: kl. 17:00 - 22:00
- Laugardag: kl. 13:00 - 18:00
Svari við morðgátunni skal skilað í kassa á Fosshótel, hægt er að skila svari til kl. 20:00 laugardaginn 14. febrúar.
Kl. 19:30 - 20:30 Norska húsið
Draugahús fyrir fullorðna opið.
Kl. 21:00 Fosshótel
Hugleikur Dagsson húmoristi, listamaður og einlægur aðdáandi hryllingsmynda verður með svæsna umfjöllun og sýnir brot af því besta
LAUGARDAGUR 14. FEBRÚAR
Kl. 12:30 Tónlistarskólinn í Stykkishólmi
Jazzhrekkur - ókeypis fjölskyldutónleikar
Kl. 14:00 - 16:00 Sjávarpakkhúsið
Kl. 14:00 Vandræðamenn og skaðræðisgripir í hópi förufólks fyrri alda. Jón Jónsson þjóðfræðingur fjallar í erindi sínu um nnokkra förumenn frá fyrri öldum sem þóttu sérstaklega óvinsælir og varasamir gestir.
Kl. 14:45 "Að hvíla í friði": Útfarar- og greftrunarsiðir í samtímanum. Dagrún Jónsdóttir þjóðfræðingur hefur að undanförnu rannsakað breytingar á slíkum siðum og fræðir um okkur um þær.
Kl. 14:00 - 16:00 Sjávarborg
Kl. 14:00 "Að hvíla í friði": Útfarar- og greftrunarsiðir í samtímanum. Dagrún Jónsdóttir þjóðfræðingur hefur að undanförnu rannsakað breytingar á slíkum siðum og fræðir um okkur um þær.
Kl. 14:45 Vandræðamenn og skaðræðisgripir í hópi förufólks fyrri alda. Jón Jónsson þjóðfræðingur fjallar í erindi sínu um nokkra förumenn frá fyrri öldum sem þóttu sérstaklega óvinsælir og varasamir gestir..
Kl. 16:00 - 18:00 Norska húsið
Mjólkurstofa - sýningarými: Opnun myndlistarsýningarinnar Svörtu verkin eftir Halldór Kristjánsson.
Risloft: Snæfellsnes fortíðar, Þjóðfræðingurinn Anna Melsteð leiðir sýninguna og vekur sögurnar til lífsins í þessu draugalega en heillandi rými.
Léttar veitingar í boði.
Kl. 18:00 Frjáls tími, nú eru síðustu forvöð að finna út hver er morðinginn. Minnum á að panta borð á veitingastöðunum.
Kl. 20:00 Fosshótel
Glæpa Kviss, Anna Margrét Pálsdóttir sérleg áhugamanneskja um morð og glæpi, treður upp með glæpsamlegum spurningum.
Kl. 22:00 Skipper.
Opið frameftir - glæpa partí. Fáðu afslátt á barnum með því að láta mála þig í hræðlegum stíl.
Morðgáta verður í Tónlistarskóla Stykkishólms