Tölum saman um líðan og tengsl

Barnaheill og Geðhjálp heimsækja Snæfellsnes mánudaginn 7. september. Opinn fundur verður haldinn í Samkomuhúsi Grundarfjarðar kl. 19:30 mánudaginn 7. september. 

Barnaheill og Geðhjálp taka höndum saman og ferðast um landið í haust. Þar verður fundað með efstu bekkjum grunnskóla um líðan og veruleika ungmenna á hverjum stað. Lögð verður áhersla á samskipti, tengsl og líðan. Fundurinn fer fram á skólatíma og tekur um 2,5 klst. og lýkur með því að nemendum er boðið í pizzaveislu.

Sama kvöld verður haldinn fundur þar sem niðurstöðurnar verðar kynntar fyrir forráðamönnum og öðrum áhugasömum. Þangað bjóðum við nemendum, forráðamönnum, sveitarstjórnarfólki, starfsfólki félags- og velferðarmála, presta auk lögreglu. Á þeim fundi verða umræður um efnið og í lokin örtónleikar með Unnsteini Manuel.

Má segja að fyrirkomulagið sé blanda af ungmennaþingum Barnaheilla og Geðlest Geðhjálpar en bæði verkefnin hafa verið á ferðinni um landið síðastliðin misseri.

Fundur með nemendum (09:00 til 12:00)

Notast verður við borðafyrirkomulag og munu hópstjórar leiða vinnuna. Gert er ráð fyrir að skóli/félagsmiðstöð útvegi þrjá hópstjóra til að aðstoða við þessa vinnu. Hópstjórar skrá niður kjarnann í samtali hvers hóps. Fulltrúar Barnaheilla og Geðhjálpar munu setja viðkomandi vel inn í málin. Umræðuefni hvers borðs eru hér í viðhengi.

Áhersla er lögð á líðan, samskipti (heilbrigð og óheilbrigð) og jákvæða þætti sem mætti styrkja innan hvers samfélags.

Dagskrá

09:00 Stutt kynning á verkefninu og nemendum skipt í jafn stóra hópa

09:10 Vinna hefst og er hver hópur 15 til 20 mínútur á hverju borði

10:10 Hlé á vinnu

10:30 Framhald hópavinnu

11:30 Pizzaveisla í boði Barnaheilla og Geðhjálpar

12:00 Fundi lýkur

 

Kvöldfundur (19:30 til 21:00)

Um kvöldið er boðið til samtals í Samkomuhúsi Grundarfjarðar þar sem nemendur og/eða hópstjórar kynna ungmenni ásamt hópstjóra það helsta sem kom fram í hópavinnunni. Þar verða einnig umræður í lokin með áherslu á jákvæð skilaboð sem hægt er að byggja á í áframhaldandi vinnu innan hvers samfélags og á hverju heimili. Í anda Geðlestarinnar endar dagskráin á stuttum tónleikum með Unnsteini Manuel. Á þennan fund eru öll velkomin en þó er ekki æskilegt að börn yngri en 12 ára mæti. Áhersla lögð á að sveitarstjórnarfólk, starfsfólk velferðarmála svæðisins og lögregla mæti auk forsjáraðila.

Dagskrá

19:30 Geðhjálp/Barnaheill opna fundinn og fara yfir dagskrána

19:40 Hópstórar og/eða nemendur kynna niðurstöður hvers hóps

20:00 Samtal um niðurstöður

20:20 Jákvæð skilaboð fundarins – hvað er hægt að gera?

20:45 Unnsteinn Manuel

21:00 Fundi lýkur