Fréttasafn

Biskup Íslands, sr. Agnes M. Sigurðardóttir, vísiteraði Stykkishólmsprestakall mánudag og þriðjudag í liðinni viku. Með biskup í för voru aðstoðarmaður biskups sr. Þorvaldur Víðisson og prófastur sr. Þorbjörn Hlynur Árnason.

Þann 1. apríl síðastliðinn opnuðu tvær sýningar í Norska hússinu. Vegna aðstæðna var ekki hægt að halda formlega opnun og verður hún því 3. júní næstkomandi.

Tilgangur Uppbyggingarsjóðs er að styrkja annars vegar menningarverkefni og hins vegar atvinnu- og nýsköpunarverkefni á Vesturlandi. Sjóðurinn er samkeppnishæfur og eru umsóknir metnar út frá þeim markmiðum og áherslum sem koma fram í Sóknaráætlun Vesturlands.

Þriðjudaginn 1. júní fara tökur fram frá kl. 06:00-16:00 við höfnina hjá ferjunni og má gera ráð fyrir að umferð verði takmörkuð um svæðið til kl. 13:00. Á milli kl. 14:00 - 15:30 verður tekið upp við Súgandiseyjarvita og munu kvikmyndaframleiðendur stýra umferð um eyjuna á meðan. Miðvikudaginn 2. júní fara tökur fram við Skipavík frá kl. 16:00- 01:00 og má einnig gera ráð fyrir að umferð um höfnina og malarslóðann sunnan við Skipavík verði takmörkuð.

Stykkishólmsbær býður ungmennum með lögheimili í Stykkishólmi sumarvinnu í Vinnuskólanum. Opnað hefur verið fyrir skráningu fyrir sumarið 2021. Vinnuskólinn er fyrir ungmenni fædd árin 2004, 2005, 2006, 2007 og 2008.

Bólusetningar gegn COVID-19 eru í fullum gangi í Stykkishólmi og ganga vel að sögn Brynju Reynisdóttur, yfirhjúkrunarfræðings heilsugæslunnar í Stykkishólmi.

Bólusetningar gegn COVID-19 eru í fullum gangi í Stykkishólmi og ganga vel að sögn Brynju Reynisdóttur, yfirhjúkrunarfræðings heilsugæslunnar í Stykkishólmi. ?Við bólusettum 180 manns í síðustu viku og 95 í dag en það voru bæði endurbólusetningar og frumbólusetningar.?

Framkvæmdasýsla ríkisins, fyrir hönd Heilbrigðisráðuneytisins og Stykkishólmsbæjar, hefur óskað eftir tilboðum í uppbygginu nýs Hjúkrunarheimilis að Austurgötu 7, en bæjarstjórnir Stykkishólmsbæjar hafa síðustu þrjú kjörtímabil unnið samhent að verkefninu.

Skrifstofu- og frumkvöðlasetrið að Aðalgötu 10 í Stykkishólmi var opnað með formlegri athöfn í gær, mánudaginn 24 maí. Athöfnin hófst með því að lúðrasveit Tónlistarskólans lék nokkur lög undir stjórn Martins. Að því loknu ávarpaði Halldór Árnason viðstadda og afhenti Sigþóri Einarssyni, stjórnarformanni Suðureyja, lykla að húsnæðinu.

Í sumar verður boðið upp á leikjanámskeið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar. Á námskeiðunum er lögð áhersla á gleði og hreyfingu.