Önnur mál velferðar- og jafnréttismálanefndar

Lögð fram ályktun 5. fundar velferðar- og jafnréttismálanefndar þar sem nefndin lýsir þungum áhyggjum yfir mönnun löggæslu í sveitarfélaginu með tilliti til erfiðra félagslegra mála t.d heimilsofbeldi þar sem mikilvægt er að bregðast skjótt við. Nefndinni þykir þannig vegið að nærþjónustu samfélagsins.

Lögð fram ályktun 5. fundar velferðar- og jafnréttismálanefndar þar sem nefndin lýsir þungum áhyggjum yfir mönnun löggæslu í sveitarfélaginu með tilliti til erfiðra félagslegra mála t.d heimilsofbeldi þar sem mikilvægt er að bregðast skjótt við. Nefndinni þykir þannig vegið að nærþjónustu samfélagsins.

Bæjarráð tók, á 632. fundi sínum, undir áhyggjur velferðar- og jafnréttismálanefndar og lagði áherslu á að lögreglunni ber að sinna grunnþjónustu samkvæmt 1. gr. lögreglulaga nr. 90/1996 sem hún getur ekki sinnt sé lögreglumönnum fækkað á svæðinu eða mönnun sé ekki fullnægjandi. Þar ber hæst neyðarútkallsþjónustu og afbrotavarnir. Bæjarráð minnti á fyrirliggjandi markmið lögreglunnar um viðbragðstíma og að tryggja þurfi nærveru lögreglunnar á þeim tíma og stað þar sem þörf er hverju sinni, sér í lagi um helgar. Þá minnti bæjarráð á frumkvæðislöggæslu lögreglunnar í ljósi aukningar ferðamanna að nýju.

Bæjarráð hefur skilning á því ef ekki fást lögreglumenn tímabundið til starfa á meðan að verið sé að auglýsa eftir starfskröftum, en mótmælti harðlega ef til stendur hjá lögreglunni að skerða grunnþjónustu á svæðinu og fer fram á að mönnun og þjónusta lögreglunnar í Stykkishólmi verði ekki skert þannig að lögreglan geti sinnt sinni mikilvægu grunnþjónustu.

Ályktun bæjarráðs er lögð fram til staðfestingar.