Atvinnu- og nýsköpunarnefnd
Dagskrá
1.Samkomulag um samstarf Matís og Stykkishólmsbæjar
Málsnúmer 2111025Vakta málsnúmer
Lagður fram samningur um samstarf Stykkishólmsbæjar og Matís sem gera með sér samkomulag um uppbyggingu samstarfs í sveitafélagi Stykkishólms með áherslu á fræðslu, nýsköpun, rannsóknir og atvinnuuppbyggingu innan sveitafélagsins. Báðir aðilar samkomulagsins munu nýta styrkleika sína og innviði viðkomandi aðila eins og kostur er.
2.Rannsóknar-, vinnslu- og afurðamiðstöð þangs í Stykkishólmi
Málsnúmer 1810056Vakta málsnúmer
Bæjarstjóri og formaður atvinnu- og nýsköpunarnefndar gera grein fyrir stöðu málavarðandi áform Acadian Seaplants um að reisa þörungavinnslu við Kallhamra.Fyrir liggja samningsdrög milli Stykkishólmsbæjar og Acadian um skipulagsvinnu og vilyrði fyrir lóð.
Atvinnu- og nýsköpunarnefnd fagnar því að líkur á ákvörðun Acadian Seaplants um að reisa þörungavinnslu við Kallhamra séu meiri en áður. Nefndin hvetur bæjarstjórn til að flýta vinnu við skipulag á atvinnulóðum við Hamraenda og Kallhamra og kynna möguleika svæðisins fyrir fjárfestum.
3.Heimsókn atvinnu- og nýsköpunarnefndar í fyrirtæki
Málsnúmer 1905101Vakta málsnúmer
Lagt fram minnisblað um tillögu að seinni hluta heimsókna bæjarstjóra og atvinnu- og nýsköpunarnefndar á vinnustaði fyrirtækja og stofnana í Stykkishólmi dagana 28. febrúar - 2. mars nk.
Atvinnu- og nýsköpunarnefnd samþykkir tillöguna að vinnustaðaheimsóknum.
4.Stykkishólmur í sókn - Efling atvinnulífs í Stykkishólmi
Málsnúmer 2107012Vakta málsnúmer
Bæjarstjóri og formaður starfshóps um eflingu atvinnulífs í Stykkishólmi gerðu grein fyrir vinnu starfshópsins. Stefnt er að því að starfshópurinn skili áfangaskýrslu síðar í þessari viku og endanlegri skýrslu um mánaðarmótin febrúar - mars nk.
Atvinnu- og nýsköpunarnefnd fagnar því að vinnu starfshópsins miði vel og niðurstöður hans séu væntanlegar innan skamms.
5.Almenn umræða um atvinnumál í Stykkishólmi
Málsnúmer 1901002Vakta málsnúmer
Fram kom m.a. að stjórn Suðureyja hefur ákveðið að nota styrk frá Sóknaráætlun Vesturlands til að greiða húsaleigu fyrir frumkvöðla sem eru að hefja eigin rekstur í alls 20 mánuði. Hver og einn getur fengið endurgjaldslausa leigu í allt að 6 mánuði.
Fundi slitið - kl. 13:45.