Skipulagsnefnd
Dagskrá
1.Kallhamar og Hamraendar - Skipulagsáætlanir (ASK br. og DSK)
Málsnúmer 2206035Vakta málsnúmer
Lögð fram til kynningar athugun Skipulagsstofnunar fyrir auglýsingu á tillögu að breytingu á Aðalskipulagi Stykkishólms 2002-2022. Gerðar voru athugasemdir sem þarf að bregðast við.
Lögð fram til kynningar athugun Skipulagsstofnunar fyrir auglýsingu. Skipulagshöfundar skulu látnir vita að þessu og breyta í samræmi við þessar athugasemdir.
2.Ferðaþjónustusvæði í landi Hóla, breyting á deiliskipulagi
Málsnúmer 2506024Vakta málsnúmer
Lögð fram til afgreiðslu ósk landeiganda að breyta deiliskipulagi Ferðaþjónustusvæðis í landi Hóla 1, skv. 43. gr. skipulagslaga. Deiliskipulagið var samþykkt 15.11.2001 og birt i B-deild 2. mars 2004, nr. 24/2004. Skv. Aðalskipulagi Helgafellssveitar 2012-2024 er landnotkun Hóla 1 AF afþreyingar- og ferðamannasvæði. Deiliskipulagssvæðið stækkar og áætlað er að byggja nýtt hótel á lóðinni við hliðina á því eldra sem verður nýtt sem starfsmannarými. Gert verður ráð fyrir allt að 80 herbergjum. Áætlað er að breyta aðkomu að hótelinu frá Snæfellsnesvegi nr. 54, í samráði við Vegagerðina. Einnig er áætlað að skipta upp núverandi landi hótelsins og gera ráð fyrir einbýlishúsalóð með útihúsum og sumarhúsalóð. Tjaldsvæði, sem er á núverandi deiliskipulagi, verður tekið út.
Skipulagsnefnd samþykkir fyrir sitt leyti að landeigandi vinni að breytingu á deiliskipulagi. Skipulagsnefnd telur þó að breyta þurfi aðalskipulagi Helgafellssveitar þar sem landnotkun breytist úr AF - afþreyingar- og ferðamannasvæði í VÞ - verslunar- og þjónustusvæði þar sem taka á út tjaldsvæði og byggja nýtt hótel. Enn fremur breytist landnotkun þar sem sumarhús eru í F -frístundabyggð. Gera þarf skipulagslýsingu aðalskipulagsbreytingar sbr. 30. gr. skipulagslaga ásamt lýsingu fyrir breytingu á deiliskipulaginu skv. 40. gr. skipulagslaga nr. 123/2012.
GPD vék af fundi áður en umræða hófst um deiliskipulagsbreytingu Víkurhverfis.
3.Breyting á deiliskipulagi Víkurhverfis
Málsnúmer 2503009Vakta málsnúmer
Lögð fram samantekt umsagna og athugasemda sem bárust á auglýsingatíma breytingatillögunnar, samanber 3. mgr. 41. gr. skipulagslaga, ásamt tillögu að svörum nefndarinnar.
Lögð fram samantekt umsagna og athugasemda sem bárust á auglýsingatíma í samræmi við 3. mgr. 41. gr. skipulagslaga. Einnig eru lögð fram uppfærð skipulagsgögn þar sem brugðist er við athugasemdum. Samþykkt með þremur atkvæðum.
Fundi slitið - kl. 17:30.