Fréttir

Umhverfisganga verður í Stykkishólmi dagana 9. til 12. ágúst. Þar mun bæjarstjóri ásamt formönnum umhverfis- og náttúrverndarnefndar og skipulags- og byggingarnefndar Stykkishólmsbæjar og öðrum fulltrúum bæjarins, ganga með íbúum um hverfi Stykkishólmsbæjar og huga að nánasta umhverfi.

Amtsbókasafnið í Stykkishólmi verður lokað vikuna 9.-13. ágúst. Engar bækur eru með skiladag á þeim tíma og engar sektir reiknast á bækur sem komnar eru í vanskil.Beðist er velvirðingar á þeim óþægindum sem þetta kann að valda.

Í dag settu starfsmenn þjónustumiðstöðvar upp nýtt skilti við innkomuna í bæinn sem býður fólk velkomið í Hólminn.

Þessa dagana hefur verið unnið að uppsetningu 9 holu frisbígolfvallar í holtinu fyrir ofan íþróttavöllinn og grunnskólann. Fyrsta brautin liggur frá grunnskólanum og er kastað í átt að þjónustuhúsi tjaldsvæðis. Völlurinn rekur sig svo í kringum holtið og upp á það.

Umhverfis- og náttúruverndarnefnd Stykkishólmsbæjar óskar eftir tilnefningum frá íbúum vegna umhverfisverðlauna Stykkishólmsbæjar 2021, en viðurkenningin er veitt í fyrsta sinn nú í ár og verða viðurkenningar til einstaklinga veittar í umhverfisgöngunni sem fram fer dagana 9. til 12. ágúst nk.

Bæjarstjórn Stykkishólmsbæjar samþykkti þann 24. júní 2021 að auglýsa tillögu að breytingu á deiliskipulagi Nónvík við Hjallatanga 48 Stykkishólmi. Tillagan er auglýst samkvæmt 1. mgr. 43. gr. skipulagslaga nr. 123/2010.

Félag atvinnulífs í Stykkishólmi hefur látið útbúa handteiknað götukort af bænum.

Undanfarnar tvær vikur hefur staðið yfir siglinganámskeið á vegum Siglingaklúbbs Snæfells fyrir börn á aldrinum 10-15 ára. Á námskeiðinu hefur verið lögð áhersla á undurstöðuatriði við að sigla Topas seglbátum sem eru í eigu Siglingaklúbbsins auk þess sem börnin hafa fengið að sigla kayak og lært almenna umgengni við sjóinn.

Í dag var tekin fyrsta skóflustunga að nýrri leikskóladeild við Leikskólann í Stykkishólmi. Verkefnið felst í því að fullbyggja nýju deildina að innan sem utan með innréttingum, og öllum tilheyrandi frágangi og skila tilbúnu til notkunar, en stefnt er að verklokum í lok febrúar 2022. Fyrstu skóflustunguna tók Hrafnhildur Hallvarðsdóttir, forseti bæjarstjórnar, með dyggri aðstoð barnabarns síns Sumarliða Lima sem jafnframt er væntanlegur nemandi í skólanum.

Félagið Hinsegin Vesturland var stofnað 11. febrúar 2021. Tilgangur félagsins er að auka sýnileika, stuðning og fræðslu og efla tengslanet hinsegin fólks á Vesturlandi, auk aðstandenda þeirra og velunnara. Félagið stendur fyrir Hinseginhátíð Vesturlands sem fram fer í fyrsta sinn nú um helgina, 9. - 11. júlí, í Borgarnesi.