Fréttir

Sumarhátíð leikskólans sem síðustu árin hefur einnig verið hjóladagur var haldin 16. júní. Þrátt fyrir svolítinn kulda tókst hún mjög vel og voru krakkarnir mjög virkir í verkefnum sínum. Myndir frá hátíðinni má sjá á myndasíðunni og tala þær sínu máli.

Eins og sjá má á myndunum hér að neðan var sannkölluð hátíðarstemmning í Stykkishólmi í gær, 17. júní. Dagskráin var hefðbundin og veðrið gott eins og vant er.

Þjóðhátíðardagur íslendinga verður haldinn hátíðlegur 17. júní í Stykkishólmi. Venju samkvæmt fer hátíðardagskráin fram í Hólmgarðinum og hefst kl. 13:30 eða þegar skrúðgangan kemur arkandi frá Tónlistarskóla Stykkishólms þaðan sem hún leggur af stað kl. 13:00.

Stykkishólmsbær auglýsir eftir flokkstjórum til starfa í vinnuskóla sveitarfélagsins sumarið 2021.

Búið er að ryðja upp tveimur moldarhólum inni í Vík, aftan við Borgarbraut. Moldin stendur íbúum Stykkishólms til boða fyrir minniháttar verkefni í garðinum og hentar vel í beðin og blómapotta. Moldin er ekki ætluð verktökum eða öðrum stórtækum aðilum heldur frekar til minni verkefna svo hún nýtist sem flestum.

Drög að umferðaröryggisáætun fyrir Stykkishólmsbæ liggja nú fyrir og hafa verið til umræðu í fastanefndum bæjarins undanfarið.

Það voru 18 börn og örlítið færri fullorðnir sem lögðu á fjallið 26. maí s.l. í útskriftarferð elstu nemenda leikskólans. Leiðin upp á Gráukúlu var farin í smá áföngum því stoppa þurfti til að taka myndir og fá sér vatnssopa annað slagið.

Hin formlega útskrift elstu nemenda leikskólans fór fram í Stykkishólmskirkju 27. maí s.l. Átján nemendur útskrifast í sumar og fluttu þau metnaðarfulla dagskrá fyrir fjölskyldur sínar í útskriftinni sem samanstóð af sönglögum og þulum.

Frá 1. september 2021 verður heimilt að vera með breytilegan vistunartíma í leikskólanum með ákveðnum skilyrðum. Aðstæður hafa breyst hjá mörgum foreldrum m.a. með tilkomu styttingar vinnuvikunnar og sveigjanlegur vistunartími gæti því orðið til góðs fyrir margar fjölskyldur. Einnig verður frá 1. september hægt að sækja að nýju um tíma til kl. 16:30 að því gefnu að sóttvarnaraðgerðir verði ekki hertar á ný og að lágmark 5 nemendur séu skráðir með þann tíma.

Grunnskólanum í Stykkishólmi var slitið þann 3. júní. Haldnar voru tvær athafnir. Fyrst fyrir 1. - 7. bekk á Amtsbókasafninu og var foreldrum 1. bekkjar heimilt að sækja athöfnina.