Fréttasafn

Í sumar var greint frá því að unnið væri að því að koma upp klifurvegg í íþróttamiðstöðinni. Þeirri framkvæmd er nú lokið og hefur glæsilegur veggur verið tekinn í notkun. Kristján Sveinsson, í samstarfi við Stykkishólmsbæ, sótti um styrk í uppbyggingasjóð Vesturlands og hlaut þaðan styrk í verkefnið upp á 500.000 kr.

Bæjarstjórn Stykkishólmsbæjar samþykkti þann 24. júní 2021 að auglýsa tillögu að breytingu á deiliskipulagi við Nónvík, á lóð númer 48 við Hjallatanga Stykkishólmi. Óskað var eftir ábendingum og athugasemdum við deiliskipulagstillöguna eigi síðar en 1. september 2021.

Umfangsmiklar malbikunarframkvæmdir hafa staðið yfir í Stykkishólmi síðustu daga þó malbikunarflokkurinn hafi ekki verið bæjarbúum jafn sýnilegur og þegar Aðalgatan var malbikuð fyrr í þessum mánuði. Framkvæmdum lauk í gær, mánudagskvöld, en meðal þess sem malbikað var í þessum áfanga var Sæmudarreitur.

? Lausar stöður við Grunnskólann í Stykkishólmi Ein 100% staða stuðningsfulltrúa með langveiku barni frá7. september - vinnutími frá kl. 8:00 ? 16:00 50% staða forfallakennara fram að áramótum

Bæjarstjórn Stykkishólmsbæjar auglýsir eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar. Markmiðið með styrkjum bæjarstjórnar Stykkishólmsbæjar er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Tónlistarskóli Stykkishólms óskar eftir gítarkennara í 50% starfshlutfall. Kennt er samkvæmt Aðalnámskrá Tónlistarskólanna.

Lóðin Aðalgata 16 er hér með auglýst til úthlutunar í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði og bætist hún þar með á úthlutunarlista yfir lausar lóðir í Stykkishólmi. Umsóknarfrestur er til 30. ágúst 2021.

Stykkishólmsbær auglýsir Hamraenda 4, 6 og 8 í Stykkishólmi lausar til úthlutunnar. Svæðið er skilgreint sem athafnarsvæði samkvæmt aðalskipulagi. Hægt er að sameina allar lóðirnar í eina ef fyrirhuguð starfsemi þarfnast þess og skal það koma fram í umsókn.

Skipulags- og byggingarnefnd samþykkti á 253. fundi sínum þann 19.7.2021 að leggja til við bæjarstjórn að kynna fyrir almenningi og öðrum hagsmunaaðilum deiliskipulag fyrir Súgandiseyju ásamt drögum að greinargerð unna af Landlínu samkvæmt 4. mgr. 40. gr. skipulagslaga nr. 123/2010 m.s.br..

Fyrsta áfanga malbikunarframkvæmda í Stykkishólmi er nú lokið. Búið er að opna allar götur þar sem framkvæmdir stóðu yfir og óhætt að segja að vel hafi tekist til. Mikil breyting til hins betra hefur orðið á hafnarsvæði og sömuleiðis á Aðalgötu.