Fréttasafn

SSV boðar til fundar á Teams miðvikudaginn 17. mars kl. 09:00-10:00. Á fundinum mun Sævar Kristinsson ráðgjafi hjá KPMG fara yfir breytingar í atvinnulífi á Vesturlandi undanfarin tvö ár með hliðsjón af sviðmyndagreiningu um framtíð atvinnulífs á Vesturalandi sem birt var síðla árs 2019. Í skýrslu sem gefin var út undir heitinu Atvinnulíf á Vesturlandi árið 2040 voru birtar fjórar sviðsmyndir um framtíð atvinnulífs á Vesturlandi til ársins 2040, er einhver þessara sviðsmynda að rætast ?

Íbúafundur um deiliskipulag í miðbæ Stykkishólms og Fjöregg í Súgandisey verður haldinn í sal Amtsbókasafnsins við Borgarbraut 6, miðvikudaginn 17. mars kl. 17.00. Fundinum verður jafnframt streymt beint á streymisveitu Stykkishólmsbæjar.

Í gær var úthlutað styrkjum úr Landsáætlun um uppbyggingu innviða og Framkvæmdasjóði ferðamannastaða. Stykkishólmsbær fékk þar úthlutað kr. 24.950.000 til deiliskipulags og gerð útsýnissvæðis á Súgandisey sem er sérstakt áherslu- og forgangsverkefni Áfangastaðaáætlunar Vesturlands. Efnt var til samkeppni um útsýnissvæðið á síðasta ári og var tillagan Fjöregg hlutskörpust í keppninni.

Niðurstöður skoðanakönnunar á Snæfellsnesi um umhverfi og samfélag hafa verið birtar. Meginspurningar könnunarinnar snerust um umhverfismál annars vegar og samfélagsmál hins vegar, þ.e. hvaða atriði innan þessara málefna íbúum fannst skipta mestu máli og að sveitarfélögin ættu að leggja áherslu á.

Malbikun Akureyrar verður á Snæfellsnesi 20.07.21 - 15.08.21.

Trjágróður sem vex út fyrir lóðarmörk getur skapað óþægindi og jafnvel hættu fyrir gangandi og akandi vegfarendur. Garðeigendur í Stykkishólmi eru hvattir til að klippa og snyrta allan gróður á lóðarmörkum, svo þau hvorki hindri vegfarendur, hylji umferðarskilti, götumerkingar né dragi úr götulýsingu, og jafnframt að huga almennt að garðinum öllum og nánasta umhverfi. Þannig getum við öll hjálpast að við að hafa bæinn okkar enn snyrtilegri og fallegri.

Starfsfólk Markaðsstofu Vesturlands leggur land undir fót og heimsækir svæðin á næstu dögum. Þau verða í Ráðhúsi Stykkishólms fimmtudaginn 4. mars kl 17:00. Kynnt verður Áfangastaðaáætlun Vesturlands og áhersluverkefni ferðamála 2021-2023. Allir velkomnir að mæta og eiga samtal um samstarf og samvinnu.

Í liðinni viku hófst endurskoðun á grunnsýningu Byggðasafns Snæfellinga og Hnappdæla.

Bæjarstjórn Stykkishólmsbæjar hefur samþykkt að auglýsa skipulagslýsingu fyrir aðalskipulagsbreytingu um stefnu og skilmála um gististaði á íbúðarsvæðum í Stykkishólmsbæ. Skipulagslýsingin er birt á vef Stykkishólmsbæjar og liggur frammi á bæjarskrifstofu til og með 31. mars 2021, þannig að íbúar og aðrir hagsmunaaðilar geti kynnt sér hana og sent inn ábendingar sem varða tillögugerðina.

Samgöngu- og sveitarstjórnarráðuneytið og Samtök sveitarfélaga á Vesturlandi bjóða til rafræns samráðsfundar um stöðu samgöngumála á Vesturlandi miðvikudaginn 3. mars kl. 15:00-17:00.