Fréttasafn

Samtök sveitarfélaga á Vesturlandi standa fyrir opnum fundi á TEAMS miðvikudaginn 17. febrúar og hefst fundurinn kl. 09:00.

Birtar hafa verið niðurstöður nýrrar könnunar á vegum landshlutasamtaka sveitarfélaga og Byggðastofnunar um búsetuskilyrði, hamingju og viðhorf fólks til síns sveitarfélags. Íbúar á Snæfellsnesi og í Vestmannaeyjum reyndust hamingjusamastir allra.

Geðhjálp stendur fyrir átakinu G-Vítamín á þorra þar sem verndandi þáttum geðheilsu er gefinn gaumur. Alla daga þorrans er bent á eina aðgerð á dag sem nota má sem G-vítamín.

Lionsklúbbur Stykkishólms, sem staðið hefur fyrir kótelettukvöldi síðustu ár, sníða stakk eftir vexti og bjóða nú upp á heimkeyrslu á þessum vinsæla rétti laugardagskvöldið 6. febrúar.

Stykkishólmsbær auglýsir lausa til umsóknar, stöðu slökkviliðsstjóra Stykkishólms og nágrennis. Um er að ræða hlutastarf sem hægt er að sinna samhliða öðru starfi.

Starfsfólk óskast í sumarafleysingar á Dvalarheimilið. Starfshlutfall samkomulagsatriði. Óskað er eftir sjúkraliðum, starfsfólki í aðhlynningu, eldhús, þvottahús og ræstingu

Miðvikudaginn 3. febrúar kl. 09:00 standa Samtök sveitarfélaga á Vesturlandi (SSV) fyrir opnum Teamsfundi um smávirkjanir á Vesturlandi. Á fundinum munu þeir Arnar Bergþórsson og Arnar Már Björgvinsson frá fyrirtækinu Arnarlæk kynna skýrslu sem þeir unnu um smávirkjanir á Vesturlandi. Í skýrslunni er farið yfir frumúttekt á valkostum fyrir smávirkjanir á Vesturland, en alls voru 70 valkostir skoðaðir. Að auki er í skýrslunni fjallað almennt um ferlið við uppbygginu smávirkjana.

Álagningarseðlar fasteignagjalda fyrir árið 2021 verða ekki sendir út á pappír, heldur munu þeir verða aðgengilegir rafrænt í gegnum www.island.is Ef óskað er eftir því að fá álagningaseðil sendan, vinsamlega hafið samband við Þór Örn bæjarritara í 433-8100 eða netfangið thor@stykkisholmur.is

Helga Guðjónsdóttir atvinnuráðgjafi SSV og Sigursteinn Sigurðsson menningarfulltrúi SSV verða til viðtals í ráðhúsinu mánudaginn 1.febrúar kl. 13-15. SSV ? þróun og ráðgjöf er hluti af stoðkerfi atvinnulífsins og veitir ráðgjöf á sviði atvinnumála og vinnur að þróun búsetuskilyrða á starfssvæði Samtaka sveitarfélaga á Vesturlandi.

Í dag er bóndadagur og eins og löng hefð er fyrir í leikskólanum er haldið þorrablót þann dag. Eins og með allt annað þessa dagana þá varð að sníða blótið eftir aðstæðum og því engum utanaðkomandi boðið á blótið þetta árið. Blótið var mjög vel heppnað en dagana á undan voru börnin búin að útbúa þorrahatta og eldri deildir búnar að æfa skemmtiatriði.