Stefna í málefnum nýrra íbúa

Bæjarráð samþykkir að unnin verði stefna í málefnum nýrra íbúa Stykkishólmsbæjar með áherslu á fjölmenningu og felur bæjarstjóra að undirbúa erindisbréf starfshópsins og leggja fyrir bæjarráð.

Bæjarstjórn samþykkir tillögu bæjarráðs.

Eftirtaldir eru skipaðir í starfshópinn:
- Gunnlaugur Smárason, formaður og fulltrúi bæjarstjórnar
- Magda Kulinska, fulltrúi atvinnu- og nýsköpunarnefndar
- Rósa Indriðadóttir, fulltrúi æskulýðs- og íþróttanefndar
- Agnes Helga Sigurðardóttir, fulltrúi skóla- og fræðslunefndar
- Birta Antonsdóttir, fulltrúi velferðar- og jafnréttismálanefndar

Samþykkt samhljóða, en Gunnlaugur sat hjá.

Safna-og menningarmálanefnd hvetur til aukinnar þátttöku Hólmara í fjölmenningarhátíð á Snæfellsnesi, hátíðin leikur lykilhlutverk í því að bjóða nýja íbúa Stykkishólmsbæjar og Snæfellsness alls velkomna.

Nefndin hvetur einnig til að hugað verði að fjölmenningarlegu ívafi á Norðurljósahátíð 2022 og erlendir íbúar í Stykkishólmi þannig hvattir til aukinnar þátttöku og virkni í samfélaginu.

Vinnan í nefndinni er tilltölulega skammt á veg komin en Velferðar- og jafnréttismálanefnd fagnar því að búið sé að koma á fót slíkum starfshópi. Mikilvægt sé að skoða hvernig hægt sé að koma til móts við þennan hóp.

Skóla- og fræðslunefnd gerir ekki athugasemd við fyrirliggjandi móttökuáætlun.

Nefndin óskar eftir því að fá Gunnlaug Smárason, formann og fyrrum fulltrúa bæjarstjórnar í starfshópi málefna nýrra íbúa og Jakob Björgvin Jakobsson, bæjarstjóra, á næsta fund til að fara yfir stefnuna og mögulegar aðgerðir.