Fara í efni

Afgreiðslufundur byggingarfulltrúa

13. fundur 09. apríl 2021 kl. 15:00 í gegnum fjarfundarbúnað
Nefndarmenn
  • Jökull Helgason byggingarfulltrúi
Starfsmenn
  • Sigurður Grétar Jónasson (SGJ) starfsmaður tæknisviðs
Fundargerð ritaði: Jökull Helgason Byggingarfulltrúi
Dagskrá

1.Sundabakki 10 - Umsókn um byggingaráform og byggingarleyfi.

Málsnúmer 2011030Vakta málsnúmer

Guðfinna Rúnarsdóttir, f.h. Útgerðafélagsins Grundar ehf., óskar eftir leyfi til að setja upp fótaaðgerðarstofu í bílskúr að Sundabakka 8a í Stykkishólmi.
Á lóðinni eru 3 bílastæði og að auki eru 2 sameiginleg bílastæði með lóð Sundabakka 10.

Á 244. og 247. fundi Skipulags- og byggingarnefndar tók nefndin jákvætt í erindið á grundvelli þess að fyrir lá samþykki hagsmunaaðila við Sundabakka 10 og 10a fyrir starfseminni.
Bæjarráð staðfesti á 619. fundi sínum afgreiðslu skipulags- og byggingarnefndar og staðfesti Bæjarstjórn Stykkishólms ákvörðun bæjarráðs.

Með erindinu fylgdu aðaluppdrættir, grunnmynd af 1. hæð, dags. 07.11.2020 frá W7 slf.
Skv. skipulagsreglugerð nr. 90/2013 segir að svæði fyrir íbúðarbyggð sé fyrir íbúðarhúsnæði og nærþjónustu sem því tengist, auk minniháttar atvinnustarfsemi sem tengist búsetu og telst því þessi starfsemi samræmast skipulagsáætlunum sveitarfélagsins.
Skipulags- og byggingarnefnd fjallaði um erindið á 247. fundi sínum þann 13.01.2021 og tók jákvætt í erindið enda lá fyrir samþykki lóðarhafa Sundabakka 10 og 10a.

Umsóknin samræmist lögum um mannvirki nr. 160/2010 og byggingarreglugerð nr. 112/2012, með síðari breytingum.
Byggingaráform samþykkt.
Byggingarleyfi verður gefið út að uppfylltum skilyrðum sbr. gr. 2.4.4 í byggingarreglugerð nr. 112/2012 með síðari breytingum og að uppfylltum skilyrðum/athugasemdum byggingarfulltrúa og að uppfylltum skilyrðum/athugasemdum slökkviliðsstjóra varðandi eldvarnir og brunamál.

2.Tangagata 13 - Umsókn um byggingaráform og byggingarleyfi.

Málsnúmer 2103044Vakta málsnúmer

Um er að ræða tvílyft steinsteypt einbýlishús byggt 1945 með aðliggjandi bílskúr byggðum 1965. Útveggir eru steinsteyptir, múraðir og einangraðir að innan og utan. Bílskúr er steinsteyptur og klæddur með bárujárni.
Sótt er um breytingar á útliti íbúðarhússins og fyrirkomulagi innanhúss. Um er að ræða nýjan glugga á austurhlið íbúðarhússins, síkkun á núverandi glugga og breyta honum í hurð á suðurhlið íbúðarhússins. Einnig er sótt um að fjarlægja núverandi steniklæðningu af íbúðarhúsinu og klæða með standandi timburklæðningu og einangra að utanverðu.
Innanhúss er sótt um að koma fyrir EICS-60 hurð milli bílskúrs og íbúðarhúss, færa eldhús og koma baðherbergi og þvottahúsi fyrir norðanmegin.
Með erindinu fylgdi aðaluppdráttur dags. 30.03.2021 frá Indro Candi hjá VA-Arkitektum.
Byggingaráform samþykkt. Umsóknin samræmist lögum um mannvirki nr. 160/2010 og byggingarreglugerð nr. 112/2012, með síðari breytingum og samræmist skipulagsáætlunum.

Byggingarleyfi verður gefið út að uppfylltum skilyrðum sbr. gr. 2.4.4 í byggingarreglugerð nr. 112/2012 með síðari breytingum og að uppfylltum skilyrðum/athugasemdum byggingarfulltrúa.

Fundi slitið.

Getum við bætt efni síðunnar?