Safna- og menningarmálanefnd

Forsöðumaður safna, Hjördís Pálsdóttir, gerir grein fyrir starfsemi Norska hússins - BSH og minnisblaði sínu.

Á 109. fundi Safna- og menningarmálanefndar tók nefndin vel í þær hugmyndir sem uppi eru um að setja á ný upp styttuna af Hafmeyjunni sem var hluti af gosbrunni sem áður var í Kvenfélagsgarðinum. Nefndin lagði til að málið yrði unnið áfram og tekið aftur til umfjöllunar í þegar frekari upplýsingar og gögn liggja fyrir, en lagði áherslu á að afla þurfi kostnaðarmats við lagfæringu styttunnar. Jafnframt taldi nefndin að afla mætti frekari upplýsinga og gagna um fyrrum staðsetningu hennar og eignarhald, sögu verksins og hugmyndir að staðsetningu hennar í Hólmgarðinum frá Kvenfélaginu Hringnum Stykkishólmi.

Frumkostnaðarmat hefur verið unnið vegna viðgerða á hafmeyjunni og sótt um styrk í samræmi við það í styrktarsjóð EBÍ (Eignarhaldsfélagsins Brunabótafélag Íslands). Skv. reglum sjóðsins skal úthlutun lokið fyrir lok júní.

Lagðir fram minnispunktar formanns Safna- og menningarmálanefndar.

Fulltrúi Félags atvinnulífs í Stykkishólmi gerir grein fyrir stöðu á undirbúningsvinnu vegna fyrirhugaðra menningarviðburða á vegum félagsins.

Formaður umhverfis- og náttúruverndarnefndar gerði á 54. fundi nefndarinnar grein fyrir þeirri hugmynd að Stykkishólmsbær útbúi gönguleiðakort, ásamt hestaleiðum, til þess að setja á vefsíðu bæjarsins í samræmi við fyrirliggjandi skýrslu um gönguleiðir, aðalskipulag Stykkishólmsbæjar og kort sem gert var á vegum FAS á sínum tíma. Umhverfis- og náttúruverndarnefnd lagði til að útbúið yrði gönguleiðakort um þær gönguleiðir í samræmi við hugmyndir frá formanni nefndarinnar og eftir atvikum að farið verði í skipulagsvinnu ef til þarf. Bæjarráð samþykkti tillöguna og að lögð yrði áhersla á að kortið innihaldi leiksvæði í samræmi við ábendingu æskulýðs- og íþróttanefndar.

Lögð eru fram vinnudrög að gönguleiðum og stígum í umhverfi Stykkishólms, en á 625. fundi bæjarráðs var tekið jákvætt í þær hugmyndir sem liggja fyrir í drögunum og þeim vísað til umræðu og frekari vinnslu í fastanefndum bæjarins.

Lárus Ástmar Hannesson, bæjarfulltrúi, leggur til að kannað verði hvort faglegir og rekstrarlegir möguleikar séu á að færa starfsemi Tónlistarskóla Stykkishólms að einhverju eða öllu leyti í byggingu Amtsbókasafnsins við Borgarbraut.

Á 626. fundi bæjarráðs var samþykkt að vísa erindinu til umsagnar í skóla- og fræðslunefnd og safna- og menningarmálanefnd.

Lagt fram á ný minnisblað bæjarstjóra varðandi framtíðaráform Vatnasafns, sem unnið var til upplýsinga fyrir bæjarráð, ásamt bréfi frá James Lingwood sem sent var í kjölfar fundar hans með safna- og menningarmálanefnd.

Safna- og menningarmálanefnd vísaði málinu til frekari vinnslu í nefndinni á síðasta fundi sínum.

Einnig eru lögð fram gögn um sjálfseignarstofnanir og fyrirkomulag þeirra í samræmi við umræður nefndarinnar á síðasta fundi.