Skipulagsnefnd

Skipulagsnefnd gerir ekki athugasemdir við framlagða vinnslutillögu í grundvallaratriðum. Nefndin leggur til að ekki verði gert ráð fyrir landfyllingum í deiliskipulaginu og að byggingarreitir fyrir nýbyggingar á svæðinu verði að hámarki 1000 m2.

Nefndin leggur einnig til að 850 m2 bygging á nýrri lóð á höfninni verði snúið með langhlið að Sundabakka þannig að megin athafnasvæðið utandyra verði sunnan við bygginguna.

Í ljósi innsendra umsagna og athugasemda er varða umfang uppbyggingar á svæðinu, telur nefndin ekki ástæðu til að heimila stækkun á húsnæði Skipavíkur með viðbyggingum en að heimilaðar verði nýbyggingar innan lóðar. Nefndin felur skipulagsfulltrúa að skoða málið frekar í samráði við lóðarhafa um byggingarheimildir, bátasýningu og kvöð við upptökubraut, sem hugsuð er til bráðabirgða þar til ný upptökubraut verður tekin í notkun.

Skipulagsnefnd felur skipulagsfulltrúa að leggja drög að svörum við athugasemdum Íslenska kalþörungafélagsins dags. 8.3.2023 og fylgja eftir öðrum erindum sem borist hafa í tengslum við vinnslutillöguna. Jafnframt vill nefndin koma á framfæri þökkum til þeirra sem sendu inn umsagnir og ábendingar við skipulagslýsinguna þegar hún var auglýst.

Nefndin bendir á að verið er að vinna deiliskipulag fyrir athafnasvæði við Kallhamar og Hamraenda en þar er gert ráð fyrir umfangsmeiri starfsemi í framtíðinni.

Sótt er um að skrá eina nýja landeign, Saura 9, úr landi Saura (L-136854). Samkvæmt 48. gr. skipulagslaga nr.123/2010 þarf samþykki sveitarstjórnar þegar skipta á upp jörðum, löndum eða lóðum eða breyta landamerkjum og lóðamörkum. Í gildandi Aðalskipulagi Helgfellsveitar 2012-2024 er umrætt svæðið að mestu skilgreint sem afþreyingar- og ferðamannasvæði. Skipulagsnefnd samþykkir fyrir sitt leiti umsókn um uppskiptingu jarðarinnar Saura í Saura 9.

Máli frestað.

Sviðstjóri fór yfir mál í vinnslu á sviðinu og svaraði spurningum.